XXXII MARCHA A CUADONGA

 

Ruta fecha col G.M.La Peñuca

Gráfica de la ruta.

Güei,la nuestra guia ye la Santina.Nosotros caminamos,la Santina,guíanos.

La ruta,entama nel Altu'l Pedrosu.Gúei,l'aperu mas necesariu pa la caminata,ye'l paragües.Fago la primera semeya y ya tengo la máquina moyada,asina que poques semeyes podré facer.

Una capillina al llau la carretera,en Grases.

Capilla de San Blás.

Aquí,una semeya con Faulino,l'amigu'l peregrinu.

Dempués de pasar por Amandi,Coro y Breceña,sin poder facer una semeya,pol agua y el vientu que facía,llegamos a Buslaz.Facemos una semeya,al llau la Capilla de San Xuán.

Vamos camín de Sietes.La caleya nun ye caleya,ye un riu.

Pasamos como pudimos.En dellos sitios,por los praos,n'otros por les orielles y n'otros,moyando les patuques.

Un paxarín,medio moyau.

Paez un tordu malvís.Prubín,está asustau y casi nun vuela.

Una capillina,a la salida de Sietes.

Llegamos a Anayo,onde queremos facer la xinta (semeya de Magín)

Ilesia de  Anayo.

Llegando a Borines.

Esti gatín,está muy tranquilu,abellugau del agua.

Ya tamos nel altu'l Romillín,al llau la Ermita de San Xosé.Llevamos 45 km,col paragües abiertu.Moyaos,pero contentos.

Tromba d'agua,por la caleya que va de Villanueva a Cangues.

Ya tamos en domingo.El dia amanez perguapu.Una visita al ponte de Cangues,antes de colar pa Cuadonga.

Ponte romanu de Cangues,con......

.....la cruz de la victoria.Esti añu,ye'l 1.300 aniversariu de la batalla de Cuadonga (722-2022).                                                               

Ya vamos camín de Cuadonga.Ermita de San Andrés,en Sotu de Cangues

Llegamos a Cuadonga.(Semeya de Magín)

Basílica de Cuadonga.Lo primero que facemos al llegar, ye.....

.....visitar a la Santina.Tenemos que pedir munches coses y da-y gracies por otres.N'Asturies,seyas creyente o non,la SANTINA,ye la SANTINA.

Semeya nel furacón del tunel.

Dempués de la misa'l peregrinu,facemos la semeya de grupo,al llau de Pelayo.

Pelayo y Cuadonga.Cuadonga y Pelayo.Añu 722.

Esperando l'autobús.La XXXII marcha a Cuadonga,va terminando.Falta.....

..... cellebralo,faciéndo la xinta nun restaurante de  Benia d'Onís

Un de los platos.Comiendo estos manxares,coyes fuercies,pa volver pa casa caminando.

Con esta xinta,nun ambiente agradable y montañeru,acábase la XXXII marcha a Cuadonga, del G.M.La Peñuca.