Ruta fecha col G.M.La Peñuca.
Gráfica de la ruta.
La coordinaora de la ruta ye : Ana
La ruta de güei,entama en Cuevas.El dia,está emborrinau.Esperemos que llimpie.
Coyemos una xenda,que.....
...pasa per Les Corriones.Seguimos col cielu toldau.
Llegando a 1200m d'altitú,darréu........¡¡¡ fízose la lluz !!!
Debaxu nuesu,el mar de nubes,tolda'l valle.
Pal Norte,ya columbramos el Retriñón.
Llegamos a la Casa Vieya.Nel árbol,....
......un mensaxe.
Seguimos camín.Metémonos per una viesca de fayes.Seguro que dalgún trasgu,busgosu o dalguna xana,están mirándonos.
Tamos na seronda,les fueyes dexen de recibir allimentu y tórnense musties.
Un trasgu xuguetón,faime travesures con la cámara.
Salimos de la viesca y metémonos per zona de maleza.
La borrina está xubiendo.
Nosotr@s,vamos per delantre.
Na parte alta,el cielu ta llimpiu de nubes.
Medio tapaos per la maleza,llegamos.....
....al Mayáu la Tabierna.
Na parte alta,hai un bebederu pal ganao.
Agua fresca,sal pel cañu.
Una paradina,p'alendar y rexuntanos.
El restu'l grupo,va llegando.
La borrina,paez que nos persigue.
Facemos una semeya de grupo y.....
...darréu colamos.
Metémonos pel mediu d'un felechal,adornau con dalgún carrascu.
La xubida'l Colláu la Muezca,ye bastante pindia.
Xubimos sele,faciendo paradines,pa esfrutar del mar de nubes que cubre'l valle.
La coordinaora'l grupo,controla la xubida.
Por delantre,el Picu Retriñon,espéranos.
Llegamos al Colláu la Muezca.Pal Norte,el Valle de Xulió,está tapau per la borrina.Solo vemos el cumal del Picu l'Arcu y llonxe,los Picos d'Europa.
Parar y contemplar tanta guapura,ye obligao.
La coordinaora,espera la llegada del restu'l grupo.
El cumal del Picu l'Arcu.
Entamamos la xubida final,al Retriñón.
La borrina está estancada y va dexanos esfrutar del cumal del Retriñon y facer la xinta nel.
La coordinaora,pensativa, espera a los caberos,que......
....emerxen como fantasmes,entre les nubes.
Ye imposible,nun......
....parar y contemplar tanta guapura.Ye imposible.....
.....nun quedar ablucaos.Quisiéramos qu'el tiempu nun pasara,qu'el mundu parara.Güei de verdá,tamos nel Paraisu.Llégame a la memoria una cita bíblica,que diz algo asina :
"En verdá vos digo,que nin los ricos,nin los poderosos de la tierra,columbraron xamás,tanta guapura."
Dexamos de suañar y seguimos pal cumal,onde.....
....vamos llegando,pocu a pocu,como.....
....fantasmes saliendo entre les nubes.
Llega el coordinaor que cierra'l grupo.Ya tamoes toes toos,nel Picu Retriñón
Buscamos abellugu pa facer la xinta.
Solamente los Picos d'Europa,están per encima les nubes.
Nun tenemos ni silles pa sentanos,nin meses,nin camareros pa servinos,pero de xuru vos digo,que nun cambiamos esti sitiu,pel meyor restaurante del mundu.
Lo dicho.Tamos.......nel cielu,y......
....quisiéramos.....
.....volar,.....
...volar,volar.
Como nun pudimos volar,facemos unes semeyes....
....n'alcordanza.
Facemos les semeyes de grupo.
Nun podía faltar,la semeya de moces.
Dempués de les semeyes,entamamos la baxada.
Dexamos el Retriñón,rodiau de nubes.
La vertiente Sur del picu,tamién esta toldada.Queremos baxar pal Mayáu l'Oteru.Tendremos que dir rexuntaos,la borrina abluca'l cerebru.
La coordinaora de la ruta,debe de tener poderes.Xubiendo pal Retriñón,les nubes diben detrás nuesu.Nunca nos taparon.Agora que baxamos,van retirandose al nuesu pasu.Lo dicho,esta coordinaora,tien poderes.
Hasta les vaques,queden ablucaes al venos pasar.
Coyemos una xenda muy pindia,que llega'l Mayáu l'Oteru.
Les nubes,siguen baxando al nuesu pasu.
Pasamos al llau,la Cueva l'Oteru.
Esperamos a rexuntanos y.....
....colamos pal.....
...Mayau l'Oteru.Otra paradina y......
.....coyemos el camin del Colláu la Valencia.
Topámonos con una fonte.Daquién,aprovechó pa coyer agua.
Pasamaos pel Colláu la Valencia,onde les vaques descansen guapamente,y......
....seguimos pal.....
....Colláu La Felguera.
Llegamos a les cabañes .....
....del Mayadín.Una paradina pa hidratanos y.....
....coyemos un caminucu empedrau y medio tapao per la maleza.
Topámonos con una portiella.Abrímosla pa pasar y......
....llueu,volvimos a zarrala.Ya lo sabes,si te topes con una portiella cerrada,ábrela pa pasar,pero llueu vuelve a zarrala.
Baxamos per la Foz de Fresneu y.....
....llegamos a la parte alta del pueblu..
Pasamos al llau la Ermita de la Virxen de la Antigua y.......
.....llegamos a Felechosa,onde espéranos l'autobús.Fin de la ruta de güei.
