Ruta fecha col G.M.La Peñuca,de Xixón
Gráfica de la ruta.
El coordinaor o guia benévolu,ye : Eduardo
Dempués d'una selmana,cayendo agua a calderaos,paez que vamos tener un dia d'abellugu.Nel cielu,la lluna ta menguando y.....
......pa l'Este,el riscar de l'alba,pinta'l cielu de mariellu y encarnao.Güei,vamos tener un perguapu dia de montaña.Vese,que'l coordinaor llevó a Santa Clara,una docena de güevos frescos,de pita pinta.
Güei,la ruta entamámosla nel pueblu de Santillán,onde déxanos l'autobús.
Coyemos les mochiles y cruzamos el Riu Sella,per un ponte metálicu,que cimblaba munchu.
Entre les rames de los árboles sin fuelles,colúmbrase un perguapu cielu azul.
Pasamos per la Ruta Mitolóxica de Beyu Pen.Güei,si tamos atentos,tornamos a la infancia y miramos con güeyos de guaje,veremos dalgún trasgu faciendo trastaes o dalguna xana sentada nuna piedra,al llau'l rio.
Si cruciamos pel güeyu d'esti árbol,entraremos nel mundo mitolóxicu asturianu.Xanes,ayalgues,trasgos busgosos,ventolines,.....un mundo máxicu que te va dexar ablucau.¿Atréveste?
Venga,atrévete,cierra los güeyos y crucia.
La xenda,pasa'l llau del Arroyu'l Beyu.
Arroyu'l Beyu.
Pasamos a la otra oriella'l rio y seguimos per la xenda que lleva'l pueblu de Pen
Dexamos la xenda y metémonos pel mediu d'una.....
......viesca,caminando entre ramascos y fueyes de la seronda.
Dalgún árbol,que nun aguantó les últimes tormentes,tapona'l camín.
Llegamos a les cabañes de Los Llanos y......
....salimos a prau abiertu.
Columbramos el pueblu de Pen.LLonxe,la Mota Cetín
El coordinaor,mira pa la Xerra'l Trexeru,l'obxetivu de güei.
Facemos una semeya de grupo y......
....colamos pal Colláu Sebarella.
Macizu Occidenal de los Picos d'Europa,desde'l Colláu Sebarella.
Dempués d'unes semeyes nel colláu,colamos.Queremos facer,los picos de La Mota y el Castru.
Una utre,otia nel cielu,buscando comida.
Xerra d'Amieva y el Macizu Occidental,desde'l cumal de La Mota.
Macizu Occidental
Semeya de cume,nel Picu La Mota.
Siguiente obxetivu,el Picu'l Castru.
Entamamos la xubida.
La zona ye roca y yerba,too mecío y con furacos medio tapaos.Hai que dir......
....con muncho cuidao.
Un descansu,col pueblu de Sames al fondo y......
......too p'arriba.
Siempre con cuidao.Asegurando los pasos.
Llegamos al cumal y.....
......facemos la semeya de cume.
Darreu colamos.
El Picu La Mota.
Baxamos seliquín,con cuidao.Esfrutando.Tamos na montaña.Nun hai prisa.Si llega la nueche,sacamos les frontales.
Los caberos,siguen baxando.Los demás,.....
....buscamos abellugu,pa facer la xinta.
Dempués de la xinta,colamos pal Colláu Sebarella.Volvemos a columbrar el Occidental y el Cantu Cabroneru
Cantu Cabroneru y Porra Valdepino.
Semeya,desde'l Colláu Sebarella.
NuN podía faltar la semeya de peñuques.
Otra,con les manes n'altu.Quier dicir,que lo tamos pasando perbién.
Antes de metenos pel Camín Trexeru,facemos una semeya al pueblu d'Argolibio,col Macizu Occidental al fondo.
El Macizu Occidental o Cornión.La guapura,fecha montaña.
Colamos pel Camín Trexeru,que atópase un poco embarrau.
El camín,agora ta mas llimpiu.Con......
....árboles "afantasmaos" y.....
.....cotolles con les flores marielles.
Cruzamos el Riu Cormeneru,que va a mecese col Sella,aquí cerquina.
Ríu Cormeneru
Volvemos a metenos per una viesca encantada.Per estos furacos,están vixilándonos.
El Riu Sella,baxa bravu.
El xatu,tién sede.El....
....gurrión,descansa tranquilu y......
.....el patu,marcha volando.Nosotros....
......volvemos a cruzar el ponte metálicu.l'Autobús,espéranos.
