EL Pino - Picu Cualnegru - El Pino

 

Ruta fecha col G.M.La Peñuca,de Xixón.

El coordinaor de la ruta,ye : Montero

Gráfica de la ruta

La ruta de güei,yera pa Lleón.Queriamos facer el Picu San Xustu,pero atopámonos col puertu San Isidro,zarráu pa camiones y autobuses.Baxámonos en El Pino,pa facer el Picu Cualnegru.La semeya,ye de los praos del pueblu,nevaos del too y tamos a 600m de desnivel.

Esta ye la famosa piedra reonda,tema d'un canciu asturianu :

 "Entre Pola y El Pino,hay una piedra reonda,onde se sienten los mozos,cuando vienen de la ronda....."

Deprendamos la lleción.El secretu de la convivencia,ye'l respetu.Ya sabes : "Nun fagas a los demás,lo que nun quieras que te fagan a ti".

Al pasar por La Pola,atopámonos con muru ameyoráu con collores allegres y unos carteles que nos facen reflexonar.

Si,cuidemos el monte.Cuidemos lo que nos fai tan felices.

Ermita de San Antonio y la Concepción.

Fonte La Vaquera.

Entamamos la xubida,pel Valle del Coto la Pola.

Según ganamos altura,la nevada ye mayor.

Tamos na primavera,los árboles ya tan con fueya y florios,col pesu la nieve,pueden rompese les cañes.

El camín ye pindiu y en dellos sitios resbaizu.Los bastones son perimportantes,pa nun pegar un resbalón,cayer y mancate.

A los llaos,les viesques ,tan perguapes cubiertes de nieve.

Seguimos xubiendo.Les rames de los.....

......árboles,casi tapen la xenda,pel pesu de la nieve.

Llegamos al desvíu del Pinganón de Txarín.

La xenda,la viesca,la nieve en primavera...too mas que perguapo.

Tamos nel paraisu.Tamos n'Asturies.Hai que parar y esfrutar el momentu.

Llegamos al Pinganón.

El Pinganón de Txarín

Una semeya n'alcordanza.

El coordinaor de la ruta.

Caminamos agora,pal Colláu Linares.

Cruzamos un ponte y.....

....seguimos xubiendo.

Ya nun hai xenda,la nieve tápala.Nun hai.....

.......problema.Caminar per la nieve,presta.

Los bastones,ayuden muncho,nes travesies con nieve.

Llegamos al Colláu Linares.Facemos una parada pa rexuntanos y comer dalguna cosuca.Hai que reponer fuercies.

Entamamos la xubida.

Caminamos sele.Sepárennos 200m de desnivel del cumal y la xubida ye pindia.

La xubida ye prestosa.Caminar entre nieve,pel mediu d'una viesca,ye perguapo.

Cauna y caún,al su ritmu.Nun hai prisa.Tamos esfrutando,el tiempu nun cuenta.Si se fai de nueche,sacamos les frontales.

Estos morriyos de piedra,ya nos dicen que tamos llegando al cumal.

Nel últimu tramu,tenemos que apoyar les manes,pa......

....llegar al cumal del Picu Cualnegru.

Pal Norte,está la Xerra Magrera.El cielu ta emborrinau y nun la podemos columbrar.

Facemos la semeya de grupo.

Pa baxar,tornamos pel mismu sitiu que xubimos.Hai que tener cuidau,está resbaizo.Nel monte.....

....nun hay estética.Caún baxa como puede,culo p'alantre,culo p'atrás,o culo pel suelu.Lo importante ye.....

....nun mancase.

Carámpanos de xelu,cuelguen de les piedres.

Baxamos rápido.La nieve nun ta dura y presta pisala.

Los bastones,siempre ayudando nel caminar.Xubides,baxades,nieve,xelu,......los bastones son perimportantes,na práutica del montañismo.

Tornamos al Colláu Linares y les moces tírense nel suelu.Tan cansaes?.Noooo.......

.....tan esfrutando como guajes,de la montaña,güei,cubierta de nieve.

Seguimos camín.Baxamos pel Valle de Freneu.

Cabañes de pastores.

Una semeya n'alcordanza,y.......

........seguimos baxando.

Al llau d'estes cabañes,facemos la xinta.

a

Ya tamos na primavera,los árboles tan florios.

Llonxe,colúmbrense los Picos Pandos.Abaxu,Felechosa.

Dempués de la xinta,seguimos camín.

Una parada y una semeya n'alcordanza.

El burrín,saca'l focicu,por enrriba'l cercau,tendrá fame.

Una fonte,a la entrada de Felechosa.

Ermita de la Virxen de les Angusties.

El gatín,ta xuguetón.Con esti gatín xugando nel suelu,acaba la ruta de güei.