Ruta fecha col G.M.La Peñuca
Gráfica de la ruta
La ruta que ficimos
El guía benévolu ye:Jose Manuel
La ruta de güei,entamámosla en Cabornera.
Cruzamos el Ríu Casares y......
.....coyemos la caleya que lleva'l Puertu de Santa Cruz.
De la nieve y l'agua que cayó estos díes,queden charcos que facen d'espeyos del andariegu.
Pasamos pel mediu d'una viesca,al llau l'Arroyu de la Fonte'l Fráile,qu'en dellos sitios.....
...forma perguapes cascaes.
Los árboles tan floríos.
Llonxe,colúmbrase`l Picu Feliciano.
El Picu Feliciano,con una perguapu mantu de nieve.Güei,vamos esfrutar xubiéndolu.
Pasamos al llau d'una cabaña,con techu vexetal y......
....llegamos al Puertu de Santa Cruz.
Facemos una paradina,pa rexuntanos y comer dalguna cosuca.
El guía benévolu,espera al coordinaor que cierra'l grupo,antes d'entamar la marcha.Güei,esti coordinaor ye.....
....Alberto.
Entamamos la xubida,facémoslo.....
....seliquín,esfrutando.Mas de 300 m de desnivel,sepárenos del cumal.
La nieve,de momentu,nun estorba
El cumal del picu,va acercándose.
El guía benévolu va de cabezaleru, faciéndo camín.
Los demás,seguimos les pisaes.
Llegando al cumal,topámonos con mas nieve.
En dellos sitios,la nieve ta paposa y......
....cuesta trabayu caminar.(Semeya d'Ana)
Ya vemos el buzón de cume.
L@s cabezaler@s del grupo,ya tan nel cumal.
Inda,nel cumal.
Mirando pal Norte,columbramos les Tres Maríes.
El buzón de cume.
"Las personas solo dejan de existir,cuando se las olvida".Una alcordanza pa les peñuques y peñucos,que ya nun tan con nosotros.
Facemos les semeyes de grupo.
La semeya de peñuques.
l'Últimu en colar del picu,ye Andrés.Taba saludando y darréu.....
...entamó a "levitar".¿Tendrá "poderes"?¡¡Vaya "mieu" que pasamos.!!
Col mieu nel cuerpu y marándolu cada pocu de regüeyu,colamos del cumal.
Tornamos pal Puertu de Santa Cruz,onde queremos facer la xinta.
Buscamos abellugu per zona soleyera y......
......entamamos la xinta (comida del meudía),esfrutando del sol,el silenciu y el paisaxe que se columbra.
Dempués de la xinta,colamos.La ruta llévanos.....
.....per la Foz d'Escura.
Fleches marielles y.....
.....carteles,señalen la xenda.
Cruzamos una viesca de fayes.Tamos na primavera y los árboles tan pelaos.Na.....
....seronda,con les rames llenes de fueyes verdes ,colloraes,marielles,.....tién que respigase'l pelleyu,al pasar per esti fayéu.
Ya vemos Peña la Iglesia y el pueblu de Paradilla de Gordón,per onde tenemos que pasar.
Llegamos al pueblu y xubimos a l'altu la peña,onde......
.....atópase la Ilesia.
El Picu Feliciano,desde la Peña la Ilesia.
Una semeya al llau la Ilesia,otra....
.....nel campanariu y.....
....otra,toos xuntos.
Seguimos camín de Cabornera,onde espéranos l'autobús.
Atrás dexamos Paradilla de Gordón.
Ilesia de San Xuán Bautista en Cabornera.
El Picu Fontún,desde Villamanín.
