Ruta fecha col G.M.La Peñuca
Gráfica de la ruta.
El coordinaor o guía benévolu,ye :Alberto
La ruta de güei,entama al llau......
...la Ermita Virxen de Pruneda,entre Sena de Luna y......
.....Villafeliz de Babia.
Cartel informativu.
Antes d'entamar la marcha,facemos.....
...una semeya n'alcordanza,al llau la Ermita.
Dempués de la semeya,entamamos la marcha.
Queremos facer la Sierra la Serrona y llueu tornar pel Valle de Panazal,al pueblu de Villafeliz de Babia.
La xubida,pa llegar a la crestería de la xerra,ye pindia.Abaxo,vemos la Ermita,onde entamamos la marcha.
Pindio,pindio.Los bastones,son muy importantes na práutica del montañismo.Nes xubides,baxaes,cresteos,.......siempre,siempre,fai montaña con bastones.Les rodiyes,el llombu y los cadriles,agradecerántelo muncho,muncho,muncho............
Villafeliz de Babia,onde termina la ruta.
Nun hai xenda definía.Vamos......
....buscando los meyores pasos,entre zona pedregosa,mecía con vexetación.
Llegamos a la crestería.Les vistes son mas que perguapes.
Un saludu a la MONTAÑA.
Les Ubiñes,llucen perguapes,con un mantu de nieve.Tamién.....
....los montes de Somiedo.
Parar y columbrar tanta guapura,ye obligao.
Volvemos a entamar la marcha.
Caminamos agora per la lladera Sur de la xerra.Buscamos siempre el meyor camín.Llonxe ya se columbra el Picu Altu la Sierra,el primeru que queremos facer.
Vamos buscando el pasu,que nos torne a la crestería.Buscaremos siempre el meyor camín,lladera Norte o Sur.Caminar per la cresta ye mas guapo,pero tien qu'estar en condiciones.La seguridá ye lo primero.
Llegamos a una forcada.Volvemos tener la vista al Norte.Vemos a Peña Ubiña,grande y pequeña.
La vista ye tan guapa,que se produz una Demalpi (Demencia Alpina).Esto suele pasar,en persones qu'esfruten y son felices en la montaña.Los síntomas (nun son graves),ye pegar blincos d'allegría.A esta xente,llámense Demalpines o Demalpinos.El semeyeru,tamién ye un Demalpinu.¿Quies ser tamién una Demalpina o un Demalpinu?.Ven a la montaña.
Facemos una paradina pa rexuntanos.
Una semeya saludando a la montaña y........
....otra de peñuques.Estes moces,tamién son Demalpines.Esfruten y son felices en la montaña.
Entamamos la marcha.Agora vamos per la crestería.
Dexamos la crestería y tornamos a lladera Norte.
Baxamos y....
....xubimos
Siempre con munchu cuidao.Ye.....
....zona Norte.Nun pega'l sol y hai zones xelaes.
Llegamos a una colladina.
Abaxo,vemos el Valle de Panazal,per onde tenemos que tornar a Villafeliz de Babia.
Carámpanos de xelu,cuelguen de les roques.
Volvemos a tornar a lladera Sur.
Vemos el camin que vamos facer.
Los cabezaleros,cruciando una pala de nieve.
Seguimos esfrutando de la ruta.
Abaxu,muy abaxu,el valle.
Tenemos que facer una.....
...pequeña trepada,pa cruciar.....
...per un forcau y volver a baxar.Siempre averaos a les paredes de la xerra.
Ye un xube y baxa,......
.....per zones pindies.Xubimos sele,con cuidao,esfrutando.La seguridá,ye lo primero.
Una "ventana" , con vistes a Peña Ubiña.
Tenemos que cruciar una pala de nieve.Les condiciones son bones .Vamos per zona Sur.Nun hai problema.
Vamos d'unu,nunu.Siempre per les pisaes de los cabezaleros.Hai que guardar fuercies.
Llegamos a una colláu.Una semeya n'lcordanaza.
Estamos a 1.700 m.Les vistes pal Norte,de película.El dia perguapu.La temperatura ye perfeuta, pa facer monte.¿Un descasín?.Nooo......
.....acaba de da-y un ataque de Demalpina y pega un blincu.n'Esti grupu,terminamos toes y toos,con Demalpina.
Ya vemos el Picu Altu la Sierra.
Vamos caminando pal picu.
En zona Norte,el xelu nun se quita.
Una semeya llegando al cumal.
Cumal del Picu Altu la Sierra (1757m)
El coordinaor de la ruta.
Desde'l cumal,vemos toda la Sierra la Serrona.Bordiaremos la Peña Redonda,pasaremos pel Picu la Carva,fadremos la xinta en Fuentes ,xubiremos a La Lastrona y llueu,tornaremos pel Valle de Panazal,a Villafeliz de Babia.Esto ye lo que nos propón,el nuesu coordinaor,y............vamos facelo.
Seguimos la marcha.
Tenemos que buscar el meyor camín,pa bordiar la Peña Redonda y xubir al Picu la Carva.
Una semeya n'alcordanza.
Vamos a bordiar la Peña Redonda per la cara Norte.
Tenemos que perder bastante altura
La nieve está dura.En dellos sitios......
...xelada.Hai que dir sele.Con cuidau.Afitando bien los bastones.Asegurando los pasos.
Alcanzamos otra forcada y tenemos que cambiar de lladera.Estamos esfrutando como guah,es.Tanto ye asina que......
.......danos otru ataque de Demalpina.n'Esti grupo,el que nun ta,ponse.
Agora,xubimos per una canal muy pindia,con nieve y xelu.Hai que.....
..... ayudase de les manes,pa poder xubir.
Nun hai problema,tamos.....
...esfrutando de la ruta.
Otra vez,tornamos a lladera Norte.Llonxe,columbramos el Picu La Lastrona.Abaxu,el Valle de Panazal.
Vamos de forcada a forcada.
Zona Norte.Los carámpanos de xelu,cuelguen de les piedres.
Atrás vamos dexando la Peña Redonda y l'Altu la Sierra.
Vamos xuntos.Sele.Con cuidao.La......
....lladera ye empinada y la nieve está dura.
Llegamos a otru collau.Como puede vese......
....na semeya,la xerra ye malona de caminar y con nieve peor.Ye un xube y baxa.Canalizos,cresteo,pasos llaterales,cumales,ye.........la MONTAÑA y préstanos que seya asina.
Volvemos a lladera Norte.
La nieve está blanda.
Delles veces,vamos averaos a les paredes rocoses y.....
....otres,a media lladera.Buscamos siempre,la xenda mas segura.
Alguna lladera ye bastante pindia y los pasos llaterales,son delicaos,si atopamos xelu.
Abaxu,muy abaxu,entre la Xerra los Grajos y la Xerrona,vemos el Valle de Panazal.
Un descansu,antes d'entamar.....
....la xubida,per una pala pindia y xelada.
Na montaña nun hai estética.Caún xube como puede.A dos pates o a "cuatro".Lo importante ye esfrutar y nun mancase.
Vamos llegando a la crestería.
Como puede vese na semeya,el canalizu per onde xubimos,ye pindiu.
Llegamos al Picu La Carva y sin parar,.......
.....baxamos pa Fuentes,onde queremos descansar y facer la xinta.
Según llegamos,.....
....vamos buscando abellugu,.....
.....pa facer la xinta (comida del meudía).
El sitiu,ye soleyeru y les vistes perguapes.Defrente,tenemos les Ubiñes.
Les dos Ubiñes.La pequeña y la grande.
Dempués de la xinta,tenemos que facer toda esta crestería,otra que nun se ve y llueu,xubir a la Lastrona.¡¡¡Ufffff!!!.¿Sedremos capaces?.Llevamos mas de cinco hores sin parar.Fozando entre la nieve....y lo que nos queda,si queremos xubir a La Lastrona.
Cangun mi manto,unos botellines de llicor nuna roca.Non,non,nun nacieron enriba d'ella.Tríxolos....
...... la nuesa collacia Lupe.Diz que tienen propiedaes enerxétiques y estimulantes.Ye lo que nos va dar les furcies necesaries,pa seguir.Debe ser verdá.Yo pegué un llingotazu,diome un respigu y salí escopetiau.Llegué el primeru al Picu La Lastrona.Asina que :
Si tienes friu,tas frayau y de caminar nun tienes ganes,
toma d'esti llicor que prepara Lupe,.......la de Bezanes.
Entá ricu,entá buenu,pondraste allegre,tarás contentu
y les fuercies,nin lo dudes,recupéresles nel momentu.
Entamamos la marcha.Dempués del "chute",......
.....caminamos tiesos,como arbeyos.
LLegamos a la crestería.
l'Arista,está llimpia de nieve.
Al Este,la paré,ye vertical.
Abaxu,el pueblu de Robledo de Caldas.
Vamos con cuidao,averaos a la lladera mas tendida.
Atrás,vemos parte de camín recorríu.
Delantre,lo que nos queda de crestería.Llonxe,el Picu La Lastrona.
Llegamos al final de la cresta y.......
....baxamos a un colláu
La Lastrona,ya la tenemos mas cerca.
La xubida ye perguapa.En dellos sitios,hai que ayudase de les manes,pa seguir xubiendo.Está prestándonos mucho.Esta cume, ye la guinda de la ruta.
Xubimos sele,con cuidao.Nun hai prisa.Esfrutar ye lo que cuenta.Si se fai de noche,sacamos les frontales.
Ya tamos toes y toos arriba.
Facemos la semeya de grupo y.....
......llevantamos les manes.Tamos esfrutando,como guah,es.
Vemos la Sierra Serrona y el Valle de Panazal,per onde vamos tornar pa Villafeliz de Babia.
Entamamos la baxada.
Al fondo,el Valle de Panazal,per onde tenemos que pasar.
El Valle de Panazal.
Los caballos,pacen guapamente.
Despedímonos de la Sierra Serrona y del Picu La Lastrona.
Llegamos a Villafeliz de Babia.
El gatín,está tranquilu.
Está atapeciendo.La lluna ya se asoma,enriba de la Serrona.
Les cigüeñes,ya busquen el ñeru.
Ye casi de noche.La lluna,illumina el cielu.Güei,llevantámonos sobre les seis de la mañana.Estuvimos caminando mas de ocho hores,casi sin parar.Metímonos 15km y 1200m de desnivel,con una mochila al llombu y un pesu de 5 o 6 kg.Pasamos frio,calor.Xubimos,baxamos,fozamos nieve.Comimos un bocadillo sentaos nuna piedra,que dexonos el culo aformigau.Llegamos medio frayaos........y decimos que lo pasamos perbién,qu'esfrutamos como neños,.......¡¡ y ya tamos organizando la próxima salida !!.........¿Sedremos "NORMALES"?.
Un blincu,per la MONTAÑA.
