Ruta fecha col G.M. La Peñuca
Gráfica de la ruta.
El coordinaor de la ruta:Nieto
La ruta de güei,entama en Fuente Dé.l'Obxetivu ye facer la Torre Salinas,un de los cumales del cordal de les Peñes Cifuentes.
La borrina,tolda los cumales.Un "paxarín" díxonos,que a partir de dosmil metros,está despexao.A ver si ye verdá.
Nesta semeya,(fecha l'añu pasau),vemos la xubida per los Tornos de Liordes,que nos lleva'l colláu y la vega del mesmu nome.
Entamamos la xubida.Pasamos la llau d'unes vaques.Procuramos nun molestales.Están en su casa.
La borrina,ya tapa'l camín.Un h,itu,señálalu.
Atrás,vamos dexando la zona del teleféricu y l'aparcamientu.
Llegamos al Colláu Liordes y columbramos l'obxetivu de güei.La Torre Salinas.
Facemos una paradina pa rexuntanos,reponer fuercies y columbrar la guapura de la Vega Liordes y.....
....los cordales que la protexen.
El coordinaor de la ruta.
Esto ye lo que veríamos,si el día estuviera despexau y soleyeru.(Semeya del añu pasau)
Vemos el camín,que mas o menos,tenemos que facer pa llegar al cumal.
Dempués de rexuntanos,entamamos la marcha.Tenemos que cruzar la vega,pa xubir al Colláu Pedavejo.
Llegamos al casetón de Liordes.Facemos.....
..... una paradina,unes semeyes y.....
.....darréu colamos.
Llegamos al Colláu Pedavejo.Dexamos la xenda y colamos en dirección Oeste,buscando los meyores pasos que nos lleven a la canal de xubida.
La zona,está h,itada.Nun hai pérdida.Si está despexao,vemos.....
....la gravera de la canal de xubida.
Nesta semeya,vemos con puntos encarnaos,el camín aprosimau.Lo que hai que tener en cuenta,ye que al final de la gravera,hai que coyer un canalizu a la izquierda y seguir los h,itos.Esti ye'l pasu mas delicau.Muncha piedra suelta.Ye facil tirar dalguna.Mui recomendable l'usu de cascu y dir rexuntaos.
Seguimos camín,en dirección a la gravera.
Facemos una paradina pa rexuntanos.Entramos.....
...na canal.Tenemos que dir arrimaos al paredón y mui xuntos.
Abaxu,la Vega de Liordes y parte del Macizu Central
Estamos llegando......
....al final de la canal.
Xiramos a la izquierda y metémonos pel canalizu.Nesta zona.....
.....hai muncha piedra suelta.Munchu,munchu cuidao.Xubir seliquín.Si prisa.Que.....
....naide se adelante.Toos xuntos.
Al final del canalizu,topámonos con zones verdes,mas....
...fáciles de caminar.
Llegamos a zona tranquila,pero....
.....hai que seguir xubiendo,siempre apoyando les manes.La....
....xenda ye pindia ,pero segura.
El coordinaor,fai una paradina,pa controlar el camín y el grupo.
Dexamos la vexetación y seguimos p'arriba.La zona....
....está mui h'itada.Tenemos.....
...que dir pendiente de los h,itos,pa nun tener problemas.
Abaxu,la Vega de Liordes,cada vez se ve mas pequeña.
Una paradina pa descansar.Nun hai prisa.El tiempu nun cuenta.Nun queremos ser l@s montañer@s mas rápidos.Queremos ser l@s meyores.
l'Últimu tramu.Ya tamos llegando al cumal.
Unes semeyes....
....na cume y....
...facemos la xinta.
Semeya de grupo,na Torre Salinas (2447m)
Dempués de la xinta,entamamos la baxada.
Seliquín,sin prisa.Na baxada,tenemos que dir con mas cuidao.
Lo que na xubida destrepamos,....
....agora,toca trepalo.Sin problemas.Hai bonos agarres.Pero.....
.....siempre,siempre,asegurando los pasos,con munchu cuidao y .....
....esfrutando'l momento.Pasándolo perbién.
Seguimos baxando y....
....esfrutando,con esti tesoro que tenemos.Los Picos d'Europa.
Llegamos a la parte mas delicada de la ruta.El canalizu que lleva a la gravera.Les piedres tan sueltes.Tirar dalguna ye facil.Formamos grupinos,pa minimizar los riesgos.
Unos baxen pa zona segura y.....
...el restu espera quietín.
Restos d'un neveru.
Baxamos con munchu cuidao,......
.....arrimaos al paredón.
Llegamos a zona mas tranquila,camín del.....
...Colláu Pedavejo,onde facemos una semeya,l'últimu grupo.
Atrás,dexamos la Torre Salinas.
Baxando per la Canal de Pedavejo,métese la borrina.
Una fonte/bebederu.
Seguimos baxando,buscando el PR-S15,que nos torne.....
a Funte Dé,na zona del teleféricu,onde espéranos l'autobús.
ASTURIES 2018.TRIPLE ANIVERSARIU.
Centenariu de la coronación de la Virxen de Cuadonga - 1.300 años del orixen del Reinu d'Asturies - Centenariu de la creación del Parque Nacional de la Montaña de Cuadonga.(Güei,Parque Nacional de los Picos d'Europa).
