Ruta fecha col G.M.La Peñuca
El coordinaor de la ruta ye : Villanueva.
Gráfica de la ruta.
En Xixón,l'Alba ta riscando.Nel.....
....cielu,la lluna ta en menguante.
Una gaviota pega glayios,enriba d'una farola.Ta llamando.....
.....a los collacios.
La ruta de güei,entamámosla en Trioño.Vamos bien abrigaos.La mañana ye fria.El cielu ta emborrinau y nun dexa pasar el sol.Metémonos per una caleya,buscando una pasarela pa cruciar el Sella.
La pasarela por onde tenemos que pasar.
Olvi,ye la primera en pasar.
Los demás tamos a la cola.Un cartel.....
....nel entame del ponte,avísanos de les medies de seguridá,que tenemos que tomar pa cruciar.
La pasarela,muévese al pasar.Ufffff,l'agua,tién que tar xelada.
Llegamos a Fuentes.Pasamos al llau la Ilesia de Sta.María Magdalena.
Una mimosa,allégranos los güeyos con les sus flores marielles.
Una vaca roxa,míranos al pasar.
Según ganamos altura camín de Sinariega,la borrina desapaez y el cielu está con un azul perguapu.
Llegamos al perguapu pueblu,de Sinariega.
Una artística cabra,danos l'acoyida.
Unes semeyes,n'alcordanza.
Capilla de San Nicolás.
Interior de la capilla.
Una semeya al llau la capilla,antes d'entamar la marcha.
Sabeis lo que ye esto?.Ye una cotolla.Según la Academia de la Llingua, ye :"Planta del xénero Ulex (de flores pequeñes de color mariello,con munchos pinchos)".Miralo bien, MUNCHOS PINCHOS.De xuru dígo-vos,que güei vais saber lo que ye una cotolla,y nunca,nunca,la olvidareis.
LLegamos a un collau,y facemos una paradina pa columbrar el valle y les montañes.
Al Norte,columbramos la Xerra'l Sueve.
Al Sur,nuestros queridos Picos d'Europa.
El coordinaor de la ruta,"armau" con un palu d'avellanu,p'abrise pasu entre les cotolles.
Entama la "aventura",per la Xerra de Toraño.
La xenda ta perdía,tapada por escayos y maleza.Buscamos el meyor camín.
Llegamos al primer cumal.Mar,está contenta,ye'l primer picu de su vida montañera.Ye un picu pa coyer "gusto" a la montaña, el PICU LA MIEL.
Esti picu,tién buzón de cume y.....
.....un belén.
Facemos la semeya de cume.
Con los brazos llevantaos.A l@s peñuc@s,nun hai cotolles que los paren.
Seguimos camín.Vamos por la cresteria,ye la zona mas llimpia.Caminamos sele,afitando bién las bastones.Ye zona caliza y les piedres tan muy esgastaes.
En dellos sitios,por seguridá,tenemos que dir por la lladera,cruciamos.....
....pel mediu'l cotollal.Los pinchos,son como navayes bién afilaes.
Una paradina pa reponer fuercies y.....
.....a seguir crestiando.Vemos la afilada arista de la Xerra de Toraño.Al final,el Corona,l'obxetivu de güei.
Vamos con munchu cuidao.Nun hai prisa.Les prises nunca son bones.La montaña nun......
....ye pa correr,ye pa esfrutar.Si daquién necesita ayuda,el restu ta pa facelo.Eso ye facer montaña en grupo,y na Peñuca,facémoslo.
Volvemos a "peganos" con les cotolles.Meyor llevar unos arañazos,que pegar un llombazu.
Pasamos pel Picu l'Hombrón.
El Corona,ya lu tenemos mas cerca.
Los cabezaleros ya tan llegando al cumal.
Entamando la xubida al Coronas.
La xubida ye pindia,y......
.... en dellos sitios,hai que apoyar les manes.
Picu Corona de Castiellu (544m).Esti buzón de cume,púsolu.....
.....el 21-02-1987,el G.M.La Peñuca,fai agora 35 años.Como pasa'l tiempu.
La xinta,facémosla nel cumal.
Agora naide se alcuerda de les cotolles.Comer el bocadillo,esfrutando de les vistes a la costa de Ribesella,ye un lluxu.
Ribesella
Los Picos d'Europa.
La semeya de grupo,antes de colar.
Les manes n'altu,pa dicir que lo tamos pasando perbién.
Dempués de les semeyes,entamamos la baxada.
Tornamos pel mismu sitiu.
Vemos toda la crestería que tenemos que facer.Por ella vinimos y por ella tornamos.Abaxu,el Riu Sella y el pueblu de Toraño,onde tenemos que baxar.
Por la zona de La Collada,les vaques tan pastiando.
Desde La Collada,sal un camín perguapu,que lleva a Toraño.
El Riu Sella,desde'l Ponte de Toraño
La Xerra de Toraño y el Picu Corona de Castiellu,desde La Granda.
Esta ye,nuesa amiga la cotolla,la que tanto nos fizo sufrir.Bueno,tampoco fué pa tanto.La naturaleza ye muy sabia,si puso los pinchos,ye pa guardiar eses flores marielles tan guapes.
No hay comentarios:
Publicar un comentario