Ruta fecha col G.M.La Peñuca.
El coordinaor o guía benévolu de la ruta,ye :Eduardo
Gráfica de la ruta.
L'Alba ta riscando en Xixón.Los páxaros,van colando de los ñeros.
L'Autobùs,déxanos n'Entrepeñes,al llau Collanzo.Colamos per una caleya y......
.....pasamos al llau la Ermita de San Xulián.
Los praos tan xelaos.Fai un cutu,qu'escarabaya'l pelleyu.
La caleya va pel mediu d'una viesca de fayes y castaños.
Les fueyes de los árboles,tienen los colores de la seronda.
Per un furacu entre les fueyes,columbramos al Norte,la Peña Mea y les Peñes Negres.
Pal Oeste,vemos la Xerra l'Aramu.
Pal Sur,desde los Picos de la Chiebre,al Esturbín.
Seguimos camín.
Los felechos y.....
.....y les cotolles,tamién llucen perguapes na seronda.
Nel Colláu Penota,facemos una paradina,pa rexuntanos.Enfrente,tenemos.....
....la Xerra Magrera.
Aprovechamos la paradina,pa comer dalguna cosuca y charlar.La Peñuca ye muncho mas q'un grupu de montaña.Somos un grupo de amigues y amigos,que esfrutamos de la montaña.
La caleya,está con una perguapa alfombra de fueyes.
Da pena pisales.Entre les fueyes,atópense castañes.Pasamos entre castaños y fayes.
El Picu Cuchu.
Llegamos a la Collá Cuartes y entamamos la xubida a los.....
....cumales de la Peña Salengues.
El coordinaor de la ruta.
En uno de los dos cumales.Tenemos que xubir per turnos,nun cabemos toos.
Xubiendo pal otru cumal.
Despacín.Nun hai prisa.En dellos sitios,hai qu'ayudase con les manes.
Semeyes de grupo,na Peña Salengues.
Baxando de la peña.
Un saludu,desde la Peña Salengues.
Colamos,pa la cascada'l Pinganón
Cascada'l Pinganón de Caideru.Güei,tién poca agua.
Semeya de grupo
Semeyes de moces.
a
La xinta,facémosla abellugaos,al llau d'unes cabañes.
Después de la xinta,seguimos la ruta y pasamos pel pueblu de La Fuente.Tien munchos horros.
A la salida'l pueblu,atópase la Capiella.
La campana.Nos pueblos,tocábase pa dir a misa y pa llamar a los vecinos,si habia dalgún problema.
De momento,tou bién.Nun hai que tocar a arrebatu.
Nel miraor de La Pandiella,facemos una paradina.
Llegamos a Santibáñez de la Fuente.Al llau la Ilesia hai un texu,declarau monumentu natural.
EL texu,árbol sagrau de los celtas.Suele atopase,al llau de les ilesies.
Les nubes,van toldando'l cielu.Ya está atapeciendo.Fin de la ruta de güei.
No hay comentarios:
Publicar un comentario