Ruta fecha col G.M.La Peñuca
Gráfica de la ruta
El coordinaor o guía benévolu ye :Kike Montero.
La ruta de güei,entama nel Faru de Cabu Mayor (Cantabria).Les previsiones meteorolóxiques,nun son bones pa caminar.Dan agua pa esta zona.Triximos,chubasqueros y paragües.Tengo que dicivos una cosa : Nun cayó ni una gota d'agua.Tuvimos un dia perguapu.
La xenda,entama pel prau,averada a los acantilaos.
El Faru de Cabu Mayor
Vamos caminando tranquilos,acompañaos pel soníu de les foles.El mar ta bravu.
El pa,la ma y el fíu descansando.
Seguimos camín.
Columbramos el.....
....Panteón del Inglés.
Facemos unes semeyes......
...n'alcordanza,al llau'l panteón.
Seguimos "costiando".
El vientu y les foles,esculpe figures nos acantilaos.
¡¡Nun me lo puedo creyer!!.¿Mira lo que atopamos,pel mediu la xenda?.Estu nun lo tiren les vaques,nin los caballos,oveyes o cabres,qu'anden per la zona.
Da vergoña velo.
Seguimos camín,sortiando la basura.
¿Nun hai náide engargau de llimpialo?¿Que dirá la xente foriata,que fai esta ruta?.Un llamamientu pa que llimpien esta zona.La guapura ye abonda y merez estar llimpia.
Miramos pa otru llau,pa los perguapos acantilaos.
l'Ayalgueru'l grupo, ta asustau.Por la cara que pon,debe tar pensando en dar un donativu,pa costear la llimpieza d'esta zona.
Ya lo sabes,si te gusta la montaña,si quies que l'entornu natural,seya eso,NATURAL.Xúnete al retu : BLINCA.
Mira lo que atopamos.Esto nun lo escribimos nosotros.Per la pinta,daquién debió facelo fai munchu tiempu.Esto quier dicir,que esta basura u otra paecía,ya tién "solera".¿Nun se pondrá naide collorau?.Como dixo Charo : LA PLAGA SOMOS NOSOTROS.
Un mirador y....
....una percha.
El coordinaor,ye amante de la montaña.Comprometíu con la naturaleza y el medio ambiente.Tamién se xunió al retu y pegó un....
......BLINCU.
Pasamos pel Centru d'Interpretación.
Cartel informativu.Que facil ye poner un cartel,contando la guapura l'entornu.
La Maruca.
Volvemos a metenos per zona verde.
Una utre otia nel cielu,.....
...buscando comida....
....entre la basura.Aquí hai de tou,plásticos,llates,neumáticos,fierros,.......al llau.....
....d'esta GUAPURA.Lo dicho :LA PLAGA,SOMOS NOSOTROS.(Unos mas qu'otros)
Cruciamos el ponte natural.
Sergio,tamién se xune al retu per la naturaleza y pega un BLINCU.
Seguimos camín.Llonxe,ya se columbra la.....
.....Ermita de la Virxen del Mar.
El secreto que nun llueva,ye que güei,triximos el Beapopins.Un paragües máxicu.Ponse un minutu p'arriba y abelluga una hora,dos minutos,dos hores y asina sucesivamente.Como les previsiones yeren tan......
.....males,triximos tamién l'Albipopins,pa reforzar la maxia y esfrutar d'una perguapa ruta costera.
La Punta de les Mueles.
Antes de llegar a la Punta de les Mueles,la xenda.....
.....aléxase de la costa y.....
......métese entre zona de matorrales.
Pasamos al llau la playa Virxen del Mar y......
....llegamos a la Ermita.
Xubimos pa visitala.
Estaba cerrada y nun pudimos entrar.
Buscamos un abellugu,pa facer la xinta.
Na parte Este de la Ermita,estase perbién.Nun pega'l vientu y les vistes son perguapes.
Dempues de la xinta,recoxémoslo too.Los restos del bocata y los pelleyos de plátanos,naranxes y manzanes.Metémoslo en bolses,pa tiralos a un contenedor de basura.Si nun lu topamos na zona,metémoslo na mochila.Ya lo tiraremos en llegando a casa.La basura recóxese,nun se tira pel suelu.
Ermita de la Virxen del Mar.
La Ermita y el mar.
Antes de colar,facemos una semeya n'alcordanza.
El coordinaor de la ruta,preparau pa continuar la marcha.
Volvemos a entamar la marcha.
Atrás dexamos la Ermita de la Virxen del Mar y.....
........la playa.
Vamos averaos a los acantilaos.
Ya columbramos la Playa de la Casuca.
Cruciamos esti ponte de madera y......
....llegamos a la Playa de la Casuca.
Facemos unes semeyes n'alcordanza.
Dempués de les semeyes,volvemos a colar.
Pasamos al llau d'un vértice xeodésicu.
Entramos de llenu,na Costa Quebrada.
Vamos caminando sele,esfrutando d'esta perguapa costa.
Una semeya n'alcordanza y.....
....volvemos a entamar la marcha.
Ya vemos la Playa de Covachos.
Cartel informativu.
La Isla del Castro.
Playa de Covachos
Playa de Covachos e Isla del Castro.
Un mensaxe fraternal.
La Isla del Castro.
Buscando la soledá,pa esfrutar el momentu.
Ya vemos la Playa de la Arnía.
Playa de la Arnía
Sin comentarios.
Los Urros de Liencres.
Seguimos camín.
Vamos abrigaos.Está atapeciendo y les temperatures baxen.
Una semeya n'alcordanza.
Vamos baxando pa.....
...la Playa de Portíos.
Vemos la Playa de Cerrías.
Playa de Cerrías.
Cruciamos la Playa de Cerrías y......
....volvemos a metemos per zona verde.Pasamos al llau d'una urbanización.
La vista,ye mas que perguapa.
Pasamos agora al llau de la Playa de Somocueva.
Playa de Somocueva.
Seguimos camín.Una lixera xubida y pasamos al llau d'otru......
....vértice xeodésicu.
Agora tenemos que baxar pa la Playa de Pedruquías.
Un furacu per onde se cuela l'agua.
Paez espuma de xabón.
Pasamos al llau de la Playa de Pedruquías.Arni quiso......
.....llavase con espuma de mar y......
.....casi consigue pegase un bañu.
Seguimos camín,averaos al acantilau.
La baxada está resbaiza.Los bastones ayuden a guardar l'equilibriu y nun pagar un llombazu.
Llegamos agora a una pista de tierra.
Abrigaos y cares contentes.Esfrutando......
.....los últimos metros d'esta perguapa,Costa Quebrada.
l'Autobús,espéranos nel aparcamiento de la Playa de Conallave,nel Parque Natural de les Dunes de Liencres.Güei,"gracies al progresu",ye un poco menos Natural.Fin de la ruta.
No hay comentarios:
Publicar un comentario