Ruta fecha col G.M.La Peñuca
Gráfica de la ruta.
El coordinaor o guía benévolu ye: Obaya
Son les 07,30 de la mañana.Nel cielu,la lluna ta menguando.
Pal oriente,el cielu,ta poniéndose collorau.l'Alba,ta riscando en Xixón.
Sabeis lo que ye esto?.Nun lo sabes?.Nun me lo puedo creyer.Ye un bartolo!!,la meyor y mas rica llambiotada del mundo.Teníen que declaralu,Patrimoniu de la Humanidá.Güei,paramos a desayunar en Llaviana y vamos a bartoliar (comer bartolos),en casa Conchi..Ya lo sabes:
Siempre que pases per Llaviana,
seya de tarde o per la mañana,
fáime casu, nun seyas un pipiolo,
vete a Conchi y come un bartolo.
Nun hai dulce mas ricu,nin dulce meyor,
comes uno y póneste de buen humor.
Ya lo sabes,si quies tar feliz y contentu,
come un bartolo y taraslo nel momentu.
Dempués de bartoliar en Llaviana,llegamos a La Foz,onde entama la ruta de güei.
El Ríu Nalón.
Entamamos la marcha,xubiendo per la Foz de la Fociella.La xenda,ta llimpia y ye prestosa de caminar.
La parte cimera de la foz,ye mas yerbosa que pedregosa.
Vamos xubiendo sele.Si prisa.El dia ye perguapu.Salimos de la foz y......
.....llegamos a una viesca.Los árboles,tan sin fueya.
El troncu y les rames,tienen líquenes.l'Aire ta llimpiu.Respirar,ye pura melicina.
Salimos de la viesca.Xubimos agora,per zona pedregosa y.....
....llegamos a les cabañes de La Collada.Una paradina pa rexuntanos y......
.....seguimos camín.Metémonos agora,entre plantes d'urcia.
Al Sur,colúmbrase'l Cantu l'Osu.
La lladera per onde xubimos ye pindia,pero camínase bien.
Dexamos les plantes d'urcia y entramos nuna viesca de fayes y carbayos
Entre les rames,asoma'l Picu Tiatordos.
La viesca,ye pindia y resbaiza.El suelu,ta sembrau de fueyes de la seronda.En dellos sitios,hai que ayudase con les manes.
Tamos pasándolo perbién.Nun hai rastru de camín,pero nun hai problema.La zona ye perguapa.Vamos per territoriu virxen.
Llegamos a un claru de la viesca.
Facemos una paradina pa rexuntanos y.....
....reponer fuercies.
Volvemos a entamar la marcha.
La xubida ye pindia ,pindia.Vamos sele.Sufriendo,lluchando,esfrutando.Solo tenemos una idea.Facer cume.Llegar al cumal del Picu La Senda.¡¡¡Puxa penuc@s!!!.
De xuru vos digo,qu'estes moces,agora mismo son............felices.
Ya vemos el Picu La Senda.Mas de 600m de desnivel nos separen del cumal.
Llegamos a un collaú y columbramos otru picu míticu de la montaña asturiana,el Maciédome.
Pasamos al llau d'un bebederu y vemos el Tiatordos
Vamos xubiendo,pal Colláu Capiella.
A un llau,el Picu la Senda.A......
,,,,,,otru llau,el Tiatordos.Al......
.....Sur,el Maciédome.Tamos nel Parque Natural de Redes.Tamos nel Paraisu.Tamos n'Asturies,y nosotr@s esfrutando como guah,es.
El Tiatordos y el Maciédome.
Seguimos xubiendo.Pasamaos per.....
....la Capiella y.......
.....llegamos al Colláu Capiella.
Colláu Capiella (1438m) y Picu La Senda (1705m).
Llegamos al colláu,facemos una pequeña parada y.......
......colamos pal cumal.Queden unos 300m de desnivel.Una hora,a un pasu tranquilu.
El Colláu Capiella,el Tiatordos y el Maciédome.
Vamos xubiendo.Cauna y caún al su ritmu.Nun hai prisa.Obxetivu:Esfrutar de la montaña.Nun queremos ser los mas rápidos,queremos ser los mas felices.
Topámonos con una llingua de nieve.
Cruciámosla sin problemas.Llegamos a.......
.....una forcada y......
......pasamos a la lladera Este del cordal.Abaxu,muy abaxu,el Valle Capiella.
Vamos buscando l'arista'l cordal.
El Tiatordos,casi lu tenemos a la misma altura.
Los bastones,son perimportantes na práutica del montañismo.
Ya tamos llegando al cumal.
Una semeya,entre'l Tiatordos y el Maciédome.
Seguimos p'arriba y.....
....llegamos al cumal del Picu La Senda (1705m)
Vista al Norte desde'l Picu La Senda
Vista al Sur
Vista al Este
Buscamos abellugu pa facer la xinta.Tamos......
.....a 1700m,tira un vientu xelón,que fai que les temperatures seyan baxes.Asina que tenemos qu'abelluganos.
Nesti "restaurante",nun hai meses,nin silles,nin camareros,nin calefacción.Nun nos facen falta.Tamos sentaos nel suelu y compartiendo allimentos.Dígovos una cosa :Nin los ricos,nin los poderosos,son tan felices,nin columbrarán xamás,tanta guapura.
Antes de colar.....
.....facemos unes semeyes n'alcordanza.
Nun podia faltar la foto de grupo.
Mas cerca,pa ver meyor los focicos.
La de peñuques.
Semeya pal concurso de saltos de cume.Modalidá:Peñuques y peñucos.
Esta ye tamién pal concursu de saltos.Modalidá : Peñuques.
Dempués de les semeyes,entamamos la marcha.
Volvemos a tornar,pal Colláu Capiella.
Nel colláu,facemos una paradina pa.....
...baxar agrupaos.
El coordinaor,que tién un brazu muy llargu,toca'l cumal del Maciédome.
Entamamos la marcha pa Pendones,onde espéranos l'autobús.
Atrás va quedando el Picu La Senda.
La xenda pasa pel mediu d'un fayeu.
El suelu,está estrau con fueyes de la seronda.
Esta viesca,tién que ser perguapa na seronda.Les hades,trasgos,busgosos y demás habitantes del bosque,están escuendíos,escuclando.
Que nun los veais,nun quier dicir que nun ten.
Pasamos per La Quemada.
Una pequeña cascada d'agua,onde los nuberos se escuenden a descansar.Ye casi imposible velos.Hai que ser llimpiu de corazón y tornar a la infancia.
Llegamos a Pendones.
Piles de lleña pa la cocina,
Un gallineru
Los autobuses espérennos.
Antes de colar,hai que facer....
...algo de gastu,nel chigre'l pueblu.
Fin de la ruta de güei.
No hay comentarios:
Publicar un comentario