Gráfica de la ruta.
La ruta de güei,entama en Fuente Dé.Queremos facer la Peña Vieya,al estilu de los vieyos montañeros.Sin medios mecánicos,pa eliminar desniveles.Vamos dir desde l'aparcamientu del teleféricu,per la xenda l'Hacheru,al cumal de la Peña Vieya.El desnivel a vencer,ye d'unos 1700 m.Asina que......
....entamamos la marcha.
Cruciamos el "tunel del tiempu" y......
......dexamos atrás el mundu de los coches,del fumu,del aire contaminau,del ruidu,de la priesa,del egoismu,de los xentíos de......"la civilización",y......
....entramos nel mundu de la calma,de la guapura,de l'aire puru,del silencio,del compañerismu,de la superación,de.......la felicidá.Entramos.....
....nel mundu de la MONTAÑA.
La xubida ye pindia,pindia.
Una paradina p'alendar.¿Taremos medio maxaretos?.Dos hores caminando por una xenda pindia y aérea,pa superar 800m de desnivel,cuando per......
...un módicu preciu,podemos facelo en tres minutos,sin dar un pasu?.Tamos......
...maxaretos?
Bendita llocura.Segumimos p'arriba.Columbramos, parte de camin recorríu.Como puede vese,en delles partes,ye bastante aéreu.
Ya vemos la caseta,de la estación superior del teleféricu.
Seguimos camín,agora per una zona yerbosa.
Abaxu,muy abaxu,Fuente Dé.
Llegamos a la parte mas pindia de la xenda.Un.....
...h,itu,señala'l camín.
Pación y llera,too mecío.Hai que xubir con cuidao.
Na última parte,hai que ayudase con les manes.La borrina,nun nos dexa ver toda la guapura'l entornu,ni.........l'abismu.
Llegamos a zona mas segura.Una semeya n'lcordanza.
Pasamos per una zona,que si nun lo veo,nun lo creo.Un basureru de llates y cristales.Restos de botelles rotes.¿Pero que ye esto?.Quedo ablucau.
Tamos nel Parque Nacional de los Picos de Europa,nel Macizu Central,como ye posible que se pueda topar uno con esti basureru.Pel óxidu de les llates y el deterioru,tién pinta de llevar asina munchu tiempu.Da vergoña velo.
Llegamos a la parte superior del teleféricu.El cielu despexau.Columbramos,desde'l Tesorero, a la Peña Olvidada.
Una semeya n'alcordanza.
Coyemos la pista que pasa per la Forcadina de Covarrobes y llega a La Vueltona.El bon tiempu y el teleféricu,animen a la xente,a esfrutar d'esta perguapa zona del Macizu Central.
Los h,ous de Lloroza.
Seguimos camín.En la vueltona,......
.....termina la pista y entama una xenda per zona de llera.
Una paradina pa descansar y esfrutar de les vistes.
La xenda,que lleva a Cabaña Verónica y Forcaos Roxos.
Llegamos al desvíu que tenemos que coyer,pa dir a Peña Vieya per la Canalona y.....
....entamamos la xubida.
El entame de la xenda,ye per zona de tierra y llera.
La borrina,tolda los cumales.
La xenda,está bien marcada y ye prestosa de caminar.
Ya vemos la Canalona y el colláu del mesmu nome.
Llegando al Colláu de la Canalona.Tuvimos que poner ropa,la temperatura baxó muncho.Tamos casi a 2500m d'altitú.
Peña Vieya,desde'l Colláu de la Canalona.El cumal,está emborrinau.
Una semeya con la Peña Vieya'l fondo y ......
....otra,con la Aguya de la Canalona y los Picos de Sta. Ana.
Entamamos la xubida al.....
.....cumal.Vemos parte del xenderu de xubida.
Vamos pel xenderu marcau.Atras dexamos el Colláu de la Canalona.
Colláu la Canalona,Picos de Santa Ana,Tiros Navarro.
De momento,la xenda ye per zona arenosa.
La montaña,nostr@s,los rebecos y naide mas.Llueu dicen que tamos maxaretos.
Entamamos la última parte.La mas dura.Vamos facelo......
...con la borrina,queriendo tapamos.
Afitamos bien los bastones y aumentamos el ritmu de xubida.
Miramos p'arriba.Vemos.....
...nel cumal,unes cares conocíes.....
...esperándonos.
Facemos l'últimu esfuérciu y.....
.....llegamos al cumal de la Peña Vieya (2614m).La borrina tolda l'entornu.
Facemos la semeya de grupo y.....
....entamamos la baxada.
Tenemos que baxar sele.Hai muncha piedra suelta.
Hasta siempre,collaciu.Que sepas,que tenemos munches y perbones alcordances tuyes.
Cruciámonos con un grupo de montañeros,que tan xubiéndo pal cumal.
Nosotros seguimos p'abaxu.
El Colláu la Canalona está despexau.Queremos....
....dir allí,a facer la xinta.
La hora de la xinta.A los pies de la Peña Vieya y de los Picos de Sta.Ana.
Vemos como los montañeros que topamos xubiendo,....
...entamen la baxada,medio tapaos per la borrina.
Una chova,de picu mariellu,espera la comida.
Un rebecu,vien acercándose a nosotros
Ye'l rei de la montaña.Vive llibre,per estes montañes.
Míranos con desconfianza.Nosotros semos humanos,seres pelligrosos.
Falta-y un cuernu.Tien la mirada triste.¿Tendrá fame?.¿Tará amalucau?.
Entamamos la marcha.
Antes de colar,facemos una semeya con la Aguya de la Canalona y los Picos de Sta. Ana.
Volvemos a tornar per la Canalona.
Baxamos sele.Con cuidao de nu resbalar y pegar un culazu.
Los cumales,siguen emborrinaos.
Volvemos a coyer la xenda principal y tiramos pa los Forcaos Roxos.
l'Urriellu,el mocín de los Picos d'Europa,vistu desde los Forcaos Roxos.Abaxu,el H,ou de los Boches.
Unos montañeros,baxen pal H,ou de los Boches.Un cable,facilita'l descensu.
Una semeya col Picu y......
....colamos.
Ya tamos a media tarde y la xente baxa pal teleféricu.
Un conceyu,pa ver si tornamos pa Fuente Dé,nel teleféricu o volvemos a baxar per la xenda l'Hacheru.
Pal Norte,ta despexao........de momento,porque....
....darréu,métese la borrina.Tamos en Picos d'Europa.La última mirada al camín recorríu y.....
....colamos pal teleféricu.n'Estes condiciones,ye una temeridá baxar pel Hacheru.La borrina ye mexona y la xenda estará resbaiza y peligrosa.La seguridá,ye lo primero.Asina que, a esperar la cola y.......en tres minutos abaxu.
No hay comentarios:
Publicar un comentario