LA VERDILLUENGA (2130m)

El sábadu 20,los collaci@s de Semeyes y Montañes,volvimos a colar de Xixón camín de Llagos de Cuadonga,pa facer otra ruta pol Macizu Occidental.l'Obxetivu de güei,ye'l cumal de La  Verdilluenga.

 Colamos de Xixón,riscando l'alba y la lluna llucía perguapa.

 El coche,dexámoslu nel aparcamiétu de Buferrera y colamos d'arréu per les escaleres.....

 .....que lleven al área de servicios,onde ta'l centru d'interpretación y.....

 ...d'allí,al llagu Ercina.Antes d'entamar la caminata,ye prestoso tomar un cafetín,na terraza'l chigre que se atopa al llau l'aparcamiéntu.

 A estes hores de la mañana (8,30h),la xente ya esfruta d'esti paisaxe únicu.Llonxe,asoma'l cumal de La Verdilluenga,l'obxetivu de güei.

 Nosotros entamamos la ruta de güei,bordiándo'l Llagu Ercina per la oriella oeste,camín del Mayau La Canaleta

 Llagu Ercina.

 Cruzamos el llagu,per la parte sur.

 Llagu Ercina,desde la entrada a La Canaleta

 Pasamos pel Mayau La Canaleta y .......

 ......seguimos pa la Vega'l Paré.

 Cabañes de la Vega'l Paré

 Na vega,facemos una pequeña paradina y......

 ....darréu colamos pa la Vega'l Texu y el Mayáu'l Tolleyu.

Dexamos a un llau la Vega'l Texu y llegamos al......

.......Mayau'l Tolleyu.Díbemos facer una paradina y refrescamos na fonte,pero topámosla casi seca,asina que pasamos de llargo.

 Mayau'l Toyellu.Al fondo'l Cantu Ceñal

Atopamos otru bebederu,tamién medio secu.Aprovechamos la paraduca pa facer una semeya xuntos.

Seguimos camín,agora per terrenu mas caóticu.Dalgunos h,itos señalen la xiénda.

Llonxe,vemos a los reyes del parque,los rebecos.

Nosotros,vamos buscando les meyores xiéndes.

Atopámonos con bastantes Cardos Lanudos,que llucíen perguapos con gotuques de xelu.

Llegamos a los h,ous de Cabanal.

Miramos preocupaos,como'l cielu va toldádose.

Los cumales,del Macizu Occiental,están emborrinaos.

Ya tamos llegando a la Vega d'Aliseda.La borrina va cerrando los cumales y amenaza con metese tamién per los h,ous.Esperemos que nun seya mexona y acabemos moyaos.

Vega d'Aliseda.Les vaques descansen guapamente,al llau'l bebederu.

Baxamos a la vega y buscamos......

.....abellugu,pa descansar y comer dalguna cosuca.Tamos a 1780m,quier dicir que nos queden 350m de desnivel pa llegar al cumal.Nuna horina,si tou va bién,tamos na cumbre de La Verdilluenga.

Colamos darréu,pero sele,......

......buscando siempre los meyores pasos.Nun tenemos ninguna prisa......

.....esfrutar de la montaña cada momentu,ye lo que buscamos y Dios sabe que lo tamos faciéndo.Tamos esfrutando como neñ@s.

Pequeñes trepadines,facen mas prestosa la xubida.

 La xubida pasa por zones caótiques,sin xiénda definía.Dalgún h,itu,diznos que tamos nel camín correutu.

Somos "semeyer@s-montañer@s",asina que agora toca facer una semeya......

 .....toos xuntos.Al fondo,entre la borrina,La Verdilluenga.

Llegamos al Colláu los Tiros.La borrina nun dexa ver los cumales del Macizu Central.Al fondo,vemos el H,oon y el entame de la Canal de la Jerrera,que baxa a Caín.

Unes semeyes,al llau'l Colláu los Tiros.

Tamos un poco deceicionaos,por nun esfrutar de les perguapes vistes al Macizu Central.Ye igual.Les manes n'altu,quier dicir que lo tamos pasando perbién.

La xubida al cumal,ye per una canaleta,perguapa.Son apenes 50m.Tién bonos agarres y nun hai sensación de vacío.Hai que tener cuidao con les piedres.

Lo meyor ye dir bien xuntos.Si dalgún tira una piedra,nun-y da tiempu a coyer velocidá.

Los bastones,plegámoslos y metémoslos na mochila.Les manes tienen que tar llibres,pa agarrase bien y mantener l'equilibriu.

Nestes canaletes,que tienen piedra suelta,deberíamos de llevar cascu.A veces danos vergoña,porque pensamos qu'l cascu,ye pa facer grandes cumales.Un pedrazu na cabeza,anque la xiga nun seya grande,puede mancate y muncho.

Una paradina,pa nun agobiar a los que van delantre.

Llegando al cumal

Fotos de grupo nel cumal de La Verdilluenga (2130m)

Les manos n'altu,nel nuesu casu,símbolu de allegría.

Otra semeya col Macizu Central al fondo,tapau per la borrina.

Semeya femenina de cume y......

 ......semeya masculina.

Depués de les semeyes,entamamos la baxada.

Baxar,ye siempre mas complica que xubir.Vas de cara'l valle y puede date un poco de inseguridá.

Na montaña nun hai estética.Caún baxa como quier o como puede......

.....De espalda'l valle.....

....De cara'l valle....

Lo importante de verdá,ye nun mancase.

Una paradina pa rexuntanos.Nesta zona hai bastantes xigos sueltos.

Quien dixo mieu?.¡¡Naide!!.Tamos pasandolo perbién.

Ya tamos toos abaxu.Ya podemos respirar tranquilos.Agora a buscar un llugar afayadizu,pa facer la xinta.

En dalgunos momentos,el cielu quier despaxar.Los cumales de Peña Blanca y Robliza,salen entre la borrina.

Na base del picu,facemos la xinta.

Dempués de comer,colamos p'abaxo.Tenemos que poner ropa d'abrigu.Un brisa xelona,fai baxar la sensación termica.Buscaremos la mexor xiénda,que bordiándo la Vega Seca,nos lleve al camín de Vega d'Ario a La Ercina.

 Llonxe,acolumbramos una manada de rebecos.

Llegamos al camín de Vega d'Ario.Nun fué facil.La zona ye mui caótica y la borrina cerronos por completo.

Pasamos por la riega de Les Reblagues,al llau del....

....Mayáu La Redondiella.Al fondo'l Cantón del Texéu.

Una cabra,míranos al pasar, camín de Les Bobies.

Ya vemos el Mayau les Bobies,onde......

......facemos una paradina,pa refrescanos na fonte.

Mayáu Les Bobies.

Cruzamos el mayáu,.......

.....camín del Llagu Ercina.

Llagu Ercina y Picu'l Bricial.

Pasamos por La Veguina y....

.....facemos una panorámica del Picu Bricial y Llagu Ercina.

Cualquier momentu ye bonu,pa que'l xatín mame.

 Sentaos al pié del llagu,facemos la semeya de final de ruta.

Otra mas cerca,pa ver la sonrisa que tenemos.Güei ficimos un ruta perguapa,tamos contentos y.....

......llevantamos les manes pa demostralo.

Entamamos la ruta,tomando cafetín nel chigre del llagu y terminamos nel mismu sitiu,tomando cerveza o refrescos.