Los coordinaores o guias benévolos de la ruta
Gráfica de la ruta
La ruta de güei,entama en Moal,pueblu exemplar d'Asturies,nel 2018.
La xente montañera,ya deprendimos qu'hai que respetar y curiar la naturaleza,pero ye bono que nos fagan esa alcordanza.
Xubiendo per la Viesca Moal
Ya tamos na seronda.Los árboles prepárense pal inviernu.
Nel Montecín
La Peña de Moncó,el picu que queremos xubir.
Caminamos per una xenda perguapa.Llonxe,colúmbrase l'obexetivu de güei,la Peña de Moncó.
Tenemos que cruciar el "furacu'l tiempu".
Cruciámoslu,y......
......llegamos a la Veiga de Moncó,onde atópase......
........una cabaña de pastores.Al llau la puerta,hai una.....
....perguapa y artística talla de madera,del......
.....Sagrau Corazón.L'Artista,ye Manolín y fízola nel añu 2016.Un puxa muy grande,pa Manolín.
Esti ye Terri,un perrín montañeru,que fizo la ruta con nosotros.
Seguimos camín,pel medio d'una viesca de castaños,carbayos,abedurios,fayes,.....
Escondios entre los árboles,ye perciertu,que ta vixilando dalgún trasgu xuguetón,que nos quier facer una trastada o el nuberu,qu'escuca a ver si nun llevamos ropa d'agua y soltanos un chaparrón.
Llegamos al Colláu de Moncó y......
......entamamos la xubida.
La xubida ye pindia,asina que vamos sele,afitando bien los bastones.Nun hai xenda marcada.Buscamos los meyores pasos.
Inda,camina en solitario.
Llegamos al cumal,de la Peña Moncó.
Abaxo colúmbrase'l Riu Narcea y el Valle de Rengos,con antigües explotaciones mineres.
Nel cumal,abellugaos del vientu,facemos la xinta.
Terri,pega un lladríu y díznos que tien fame.
Compartimos la comida con Terri.
Antes de colar,facemos la semeya de grupo,nel cumal de la Peña Moncó.
Semeya de moces,con los bastones cruciaos.
Los coordinaores de la ruta.
Dempués de les semeyes,preparámonos pa colar.
Tornamos per la crestería,que ta mas llimpia de vexetación.Vamos con cuidau.Darreu,llevantose un vientu afuracanau,que nos tiraba pel suelu.
La baxada ye pindia y yerbosa,con piedres escuendíes entre la vexetación.
Buscamos les meyores pasos,siempre abellugaos del vientu.
Dalgunes flores marielles,dan color y allegren los sintios.
ASTURIES,PARAISU NAURAL.
El camín de baxada,pasa pel Regueru la Collada.
Cruciamos otra perguapa viesca,con árboles,que son escultures naturales.
........sidra d'estes manzanes,......Ummmm,fáise la boca agua.
Un gatín,camina per la güerta.Busca ratones y topos.Ye'l su trabayu.Esti ya ta fartucu y descansa nel teyau d'una caseta.Con les semeyes d'estos gatinos,llegamos al final de la ruta de güei.
Semeya de moces,con los bastones cruciaos.
No hay comentarios:
Publicar un comentario