POSADA DE VALDEÓN-TORRE BERMEJA-TRAVESONA-POSADA DE VALDEÓN

El sábadu día 27,los collaci@s de Semeyes y Montañes,colamos de Xixón,pa facer la Torre Bermeja y la Travesona,desde Posada de Valdeón.Aprovechamos esti mes d'Agostu,pa facer rutes per los Picos d'Europa,llugar especiálmente queríu,per esti grupu d'amig@s.

Powered by Wikiloc

El sábado pasau,colamos de Xixón con lluna llena,güei,facémoslo con ella en menguante.Llena o menguando,lluz igual de perguapa.

Llegamos a Posada de Valdeón y coincidimos con la salida de la IV edición de la TransVALDEÓNica.El ambiente ye perguapu.Montañeros y corredores,xunios por la naturaleza y la montaña.

Depues de tomar un cafetín y facer unes semeyes,centrámonos nel obxetivu de güei,la Torre Bermeja.Desde Posada Valdeón,ya vemos el cumal.

d'Unu,nunu,vamos camín de Pantivalles.(Semeya de Magín)

Atrás,dexamos Posada de Valdeón

Llonxe,vemos a los corredores,camín de Jermoso (Semeya d'Ana)

Llegamos a la fonte de Hurden y facemos una parada.Ye l'últimu sitiu onde atoparemos agua.El calor ye abondu,asina que.......

......aprovechamos pa refrescamos.

Tamos esfrutando del día.A partir de agora,entama la parte dura de la ruta y vamos seguir esfrutando col sufrimiéntu de la xubida.

El camín ponse pindiu.(Semeya d'Ana)

Cruzamos la llerona de Pambuches

La xiénda,xira al oeste.

A un llau,dexamos la Canal de Pambuches.

Enfrente,el paisaxe cambia.Pasamos de la llerona,al verde del Colláu Pambuches.

Desde'l Colláu Pambuches,vemos la Canal del Bufón y parte del recorríu que nos lleva al cumal de la Bermeja..

Depués del descansu,entamamos la marcha.

Los reyes de la montaña y.....

.....los collaci@s de la montaña.

Metémonos per la llerona,que nos lleva a l'entame de la canal.

Atrás,dexamos el Colláu Pambuches.Al fondo'l Macizu Central y les Peñes Cifuentes.

Entamamos la xubida,seliquín.El chornu ye mas que abondu.Rezamos,pa que la brisa corra un poco al ganar altura.

Una paradina pa descansar.El calor y los xigos de la canal,facen dura la xubida.

El tramu de canal ye cortu y....

......darréu,dexamos atrás la Peña'l Bolu,que marca'l final del cañalizu.Llonxe acolúmbrase'l Valle de Valdeón.(Semeya d'Ana)

Les oraciones fueron escuchaes (damos gracies Dios per ello).Al salir de la canal,unes nubes tolden el sol y una lixera brisina refréscanos.Agora,la xiénda pasa por zona mas abierta y facil de caminar.

Aprovechamos pa facer otru descansu.Ya tenemos cerca el colláu cimeru,previu al cumal de la Bermeja.

Los descansos,son xusto pa hidratase y alendar.Nun ye bono allargalos muncho.Ye meyor facer paradines cortes cada menos tiempu.

Llegamos al colláu cimeru (2334m),el cumal tenémoslu a "tiru piedra"

Desde'l colláu,animen a los caberos.¡¡Puxa,puxa,puxa!!.¡¡Ya vemos el cumal!!

Los cabezaleros del grupo,ya esfruten d'esta perguapa cume

Les vistes desde'l cumal,son mas que perguapes.Al Norte,el Macizu Occidental con la Peña Santa.

Al Este,el Macizu Central y les Peñes Cifuentes.

Facemos la semeya de cume.

Mas cerca,pa ver les cares de felicidá,que tenemos.

Una con les manes n'altu,pa que vea'l mundu enteru,que agora ¡¡Somos felices!!

Les moces del grupo,na cume de La Bermeja,col piolet y buzón de cume.

Les nubes,quieren toldar el cielu y el Macizu Central va ponéndose sombríu.Abaxu,Posada de Valdeón con la folixa de la TransVALDEÓNica.

Echamos la última mirada del día,a la reina de Picos d'Europa,la Peña Santa.

Colamos de la Bermeja.Queremos volver a Posada por la Travesona y tenemos mieu que venga dalguna tormenta.

Per momentos el cielu despexa,alexándo de nosotros,el temor a un empeoramiéntu del tiempu.Les tormentes en los cumales y cresteries nun son bones.(Semeya d'Ana)

Atrás quédanos la cume.Acabamos de tornar d'ella y ya tenemos señardá.

Volvemos al colláu cimeru y......

......baxamos pel mismu camín de xubida.

La gravera de la Canal del Bufón.

Les graveres de xigos,presta baxales a pasu lixeru.Nosotros "afeutaos pel mal de altura",baxámosla corriendo.     Nota:Pa baxar corriendo,tién que tar la gravera en bones condiciones y tar acostumbrau a facelo,sinón,meyor baxar despaciu,nun vayas pegate un focicazu.(Semeya de Magín)

Nosotros,pasamoslo perbién baxádolo.

Sin falta llegar al fondo del h,ou,coyemos la xiénda Oeste,que nos lleva al Colláu Verde.(Semeya d'Ana)

Nel colláu,facemos una paradina pa descansar.Agora tenemos que facer la Travesona,que nos lleva a la Vega Llos

Nes zones verdes,les flores de montaña......(Semeya de Magín)

......sirven d'alimentu a les abeyes y.....

.......abeyones.

Depués del descansu,entamamos la marcha per la Travesona.

La xiénda está bien marcada con h,itos.

Caminamos seliquín,esfrutando del momentu.

Sin danos cuenta,llegamos al final de la Travesona

Vemos el camín recorríu desde'l Colláu Verde.

Facemos una semeya,n'alcordanza del pasu por la Travesona de la Bermeja.

Defrente,tenemos el Colláu'l Frade.Los cumales del Jario,Beza y Cabroneru,asomen enriba  la borrina.

Nosotros,coyemos la xiénda que baxa..... 

......a la Vega Llos.Al fondo el Valle de Valdeón.(Semeya d'Ana)

Llegamos a Llos y.....

......facemos una parada al llau'l bebederu,pa refrescanos.

Apenes baxa agua,asina que colamos darreú buscando la fonte de Xotuverín.

Cruzamos la Vega de Llos y coyemos la pista que lleva a Caldevilla.

La sombra de la viesca,reláxanos nel caminar.

Llegamos a la fonte y paramos pa refrescamos.

El chorru d'agua ye bonu,asina ...

.....que sentámonos tranquilamente.Nun tenemos prisa.Agora el tiempu ye nuestru y.....

.....esfrutámoslu a cada momentu.

Colamos por la xiénda,que cruzando un viesca de carbayos y carrascos,llévanos a Soto Valdeón y llueu a Posada.

Atras,quédanos la Torre Bermeja y la Travesona

La ruta "termina",na terraza d'un chigre de Posada Valdeón.