Ruta fecha col G.M.La Peñuca
Gráfica de la ruta
El coordinaor o guía benévolu,ye: Eduardo
l'Alba ta riscando en Xixón.Entama un nuevu día.La.....
.....lluna ta menguando y vémosla nun cielu despexau.Les previsiones meteorolóxiques,nun son bones.Dicen que vamos topamos con agua,temperatures baxes y nieve.
¡¡Nun pasa nada!!.Chubasqueru,forru polar,pantalón d'agua,gorru,guantes,polaines,cubre-mochiles y ganes d'esfrutar pel monte.
La ruta de güei,entama nos Pontones.Aquí tamos preparándonos,pa l'agua,pal friu,pa la nieve y pa pasar un día perguapu de montaña.
Les montañes nevaes,espérennos.
Pasamos al llau la Ilesia'l pueblu.
Cruciamos el Ríu Güerna,el......
....Ríu de la Foz y....
,,,,xubimos pel camín vieyu,que xube a La Cortina.
A un llau,unos burrinos,acaben de llevantase y nun tuvieron tiempu de llavase
Cruciamos el pueblu de La Cortina y seguimos camín.Entama a lloviznar.Ye normal.La xenda crucia una viesca,onde xeres mitolóxicos,pasen la seronda.
n'Esta zona manda'l Nuberu y recíbenos con orbayu.El nuesu amuletu,el beapoppins,nun tién na que facer.....
......tamos na tierra'l Nuberu.
Seguimos camín.Vamos en silenciu.Sin meter ruidu.Nun.......
....queremos despertar al Trasgu y que nos faga dalguna trastada,al Busgosu,al Cuélebre,.......o enfadar a Xuan de la Borrina,el pastor de la niebla.Estos y dalgunos otros,tan.....
...escuendios,entre la foyarasca,na espesura de la viesca o nos furacos de los árboles.Chissst,nin se te ocurra gorgutiar.
El soniu,de los regatos d'agua baxando pel calce,ayúdanos amenorgar el ruiu les pisaes.
Salimos de la viesca.La nieve,ya cubre les orielles de la caleya.Abaxu.....
...la carretera del Güerna,métese pel Tunel de Entrerregueres.p'Arriba,.....
....nel cielu,les nubes ya nun son tan prietes.Salimos de los dominios del Nuberu.
A 1000m d'altitú,la nieve cubre tou'l terreno.A esta altura,nun llovizna,falopia.
Seguimos camín del Collau'l Pando.l'Espesor de la nieve,aumenta.Caminar,ya cuesta trabayu.
Carbayos,fayes y abedurios,con fueyes de collores.Carrascos.....
......con los frutos encarnaos.Los falopos cayendo del cielu.Caminar per la nieve, al llau de collacies y collacios.Esto ye la montaña.Esto ye......vivir. Dicen que tamos maxaretos,que tamos p'amarrar.¿Sedrá verdá?
Llegamos al Collau'l Pando,
Facemos una paradina pa descansar,rexuntanos y comer dalguna cosuca.
El coordinaor de la ruta.
Dempués de rexuntanos,comer y descansar,Entamamos....
...la marcha.
La xenda está tapada per la nieve.Nun hai referencia visual del camín.Los conocimientos del coordinaor y los GPS,señálennos el camín .
Caminamos sele,guardando fuercies.Siguiendo.....
....la xenda de los cabezaleros.La nieve ye muy espesa y ta paposa.Tenemos que relevamos p'abrir camín.Dir de cabezaleru,acábate con les fuercies.
Caminamos pel cordal cimeru.Pasamos a.....
....vertiente Sur,p'atopar meyores.......
...condiciones de nieve.
Entama a falopiar.Vamos pegaos como musarañes.Vamos esfrutando como guajes.
Llegamos a un falsu colláu y.....
...pasamos a vertiente Norte .....
...los falopos cayen,con mas fuercia.
Dalgunos árboles aguanten per le fueyes.Los.....
.....troncos,tan llenos de líquenes.l'Aire ye puru.Respirar,ye pura melicina.
Les pisaes cada vez son mas fondes.
Los falopos siguen cayendo.
A 1400m,ya tenemos que furar per la nieve,en vez de caminar.Nun hai peligru,nun hai problema.La zona ye segura.Tamos pasándolo perbién.
Llegamos a la Muezca de los Bucarones y facemos la semeya de grupo.
Dempués de la semeya,baxamos d'arreu.Tira una brisa xelona,que fai baxar muncho la temperatura.
Pasamos al llau d'un bebederu.l'Agua nun ta conxelada y....
....si tienes sede,puede bebese.
Seguimos camín.Abaxu vemos les cabañes de l'Ardanal.
El sol ya quier salir.Les nubes.....
....suelten dalguna gotuca d'agua.
Ya van saliendo los cumales,del Macizu d'Ubiña.
El sol va ganando la "batalla " a les nubes y.....
...el cielu,tórnase azul.
Pasamos pel mediu d'un arroyu.Quisimos comprobar,si les botes nun calaben.
Cruciamos l'Arroyu Pacullares, ......
....l'Arroyu de la Foz,y.....
.....pasamos al llau les cabañes de la Llinar.Bordiamos....
....la Xerra Negra y....
....llegamos al pueblu de Traslacruz.
Traslacruz.
Pasamos al llau d'un horru,que tenía colgaes......
....unes mullides,una especie de almuhada,fecha de pelleyu d'animal,ponse nel pescuezu de les vaques pa xunciles y que'l xugu nun les manque.
Asturies patria querida,Asturies de mios amores.Que guapina yes y que poco te cuidamos.
Llegamos a Los Pontones,onde espéranos l'autobús.Fin de la ruta de güei.
