lunes, 23 de abril de 2018

BUFERRERA-BELBÍN-COLLÁU DE XERRA BUENA-VEGA MAOR-COLLÁU CAMPLENGU-CAMPLENGU LA CUEVA-BELBÍN-BUFERRERA

Ruta fecha col G.M.La Peñuca de Xixón







Powered by Wikiloc

El coordinaor :Santiago Juez
l'Almuerzu facémoslu en Cangues d'Onís.Aquí vemos a Pelayo,al llau la ilesia.Ta preparau,per si tién que volver.
La ruta de güei,entama nel aparcamiéntu de Buferrera.Ye una vergoña.l'Aparcamiéntu taba vacíu y los coches aparcaos na oriella del ramal de baxada.Eso si,l'aparcamientu q'hai al llau'l llagu Ercina,taba llenu y los coches per la carretera.MENOS MAL,QUE TAMOS NUN PARQUE NACIONAL.
Xubiendo pal Campu la Tiese,topámonos con una culiebra.

La Peña'l Bricial.
El Macizu Occidental o Cornión.
 Dexamos el llagu'l Ercina a un llau y....
 ....colamos pal Mayáu Belbín.
 La primavera ta llegando.
 Ya vemos Belbín.



 Mayáu Belbín.Al fondo la Peña Ruana y el Jascal.


En la vega,facemos una semeya de grupo.
 Seguimos camín.Defrente,tenemos el Cantón del Texeu.
 Seguimos la Ruta de la Reconquista.Pasamos al llau del Mayau de Parres.
 Un rebecu
 Llegamos al Mayáu de Arnaedo,onde.....
 ...facemos una paradina pa rexuntanos y reponer fuercies.
 Mayáu de Arnaedo.

De Arnaedo,colamos pal Colláu de Sierra Buena.Topamos los primeros neveros del día.
 La nieve ta paposona y.....
 ....tenemos que dir con cuidao,podemos meter una patuca nun furacu y mancanos.
 d'Unu,nunu,vamos llegando al neveru y......
 ....al Colláu de Sierra Madre,onde se columbra el Macizu Central.Abaxu,tenemos a Vega Maor.Dende esti blog,quiero mandar un saludu a esta neña,que ye la primera vez que vien al monte col G.M.La Peñuca.Espero que esté disfrutando del día y de la compañia.
 Baxamos pa Maor.
 La baxada ye pindia,pero
 ...prestosa de caminar.
 Esta neña tamién ye la primera vez que vien al monte con nosotros.Tamien-y mando un saludu.Espero que lo esté pasando perbién.
Pasamos al llau del Pozu los Texos y....
...llegamos a Vega Maor.
Una paradina pa rexuntanos.

Una vez xuntos,entamamos la xubida pal Colláu Camplengu.
A un llau,vamos dexando Vega Maor
Vega Maor y el Macizu Central,medio toldau per la borrina.
Nel Colláu Camplengu,facemos una semeya n'alcordanza.
Darreu colamos pa Camplengu la Cueva

Mayáu de Camplengu la Cueva.
La xinta facémosla al llau d'una fonte-bebederu.
 Dempués de la xinta,colamos.Pasamos pel Colláu la Muda y baxamos per la Vega Espines.Los xacintos,están perguapos.

 



 Topámonos con otra culiebra.El tiempu ta chornosu y salen de les cueves.
 Pasamos per la Vega Espines y....
 ,,,per Brañarredonda.
 Tornamos otra vez al Mayáu Belbín,onde....
 ...facemos una semeya n'alcordanza.
 Colamos de Belbín y pasamos pel Mayáu la Llomba.
 Caminamos entre xacintos,
 l'Atapecer,torna gris el Macizu Central y les agües del Llagu Ercina.
Mas abaxu,los coches aparcaos na oriella de la carretera.A cien metros,l'aparcamientu de Buferrera vacíu.Sabeis lo mas triste?,que la xente nun lo fai per "xoder la marrana".Fáilo per desconocimientu.Seguro que mas de la mitá nun saben que tan nun parque nacional.Q'hai unes normes.Que como mal menor,los coches déxense nos sitios preparaos pa ello y si nun hai sitiu, vuelta p'abaxu.
Fáigome una entruga,¿hai eses normes?.Igual nin esisten.
Esti parque, ye un de les ayalgues que tenemos n'Asturies.Tenemos que cuidalu.Si nun lo facemos nosotros,náide nos lo fadrá.
Asturies,Asturies,que guapina yes y que poco facemos pa que sigas siéndolo.Dientro d'unos años (si nun ponemos remediu),sedrá el "llamentu y el cruxir de dientes".......Bueno,que nun cunda'l pánicu,pasarán 50,100 o mas años,asina que......."el que venga detrás que arree o falando claro....que se joda"......Asina nos lluz el pelu.
La Vega Comeya dende'l Mirador del Príncipe.

Unes semeyes n'alcordanza.

l'Almuerzu,ficímoslu en Cangues d'Onís y el refrescu fin de ruta,tamién


                                             ASTURIES 2018 : TRIPLE ANIVERSARIU
 Centenariu de la coronación de la Virxen de Cuadonga - 1.300 años del orixen del Reinu d'Asturies - Centenariu de la creación del Parque Nacional de la Montaña de Cuadonga (Güei,Parque Nacional de los Picos d'Europa)