miércoles, 26 de abril de 2017

CUADONGA-PEÑALBA-VEGA NARVES-PORRU TINTERU-ÑAJUENTES-MATAMUDU-EL SENDERÍN-TORNÍN


Ruta fecha col G.M.La Peñuca de Xixón,el 22-04-2017





La coordinaora.
La ruta de güei,entama en Cuadonga.Llegando nel bus pal aparcamientu,vemos la Basílica y....
 .....al llau,la estatua de Pelayo.
 Baxamos del bus,coyemos los aperios y.....
 ....darréu colamos.El día está perguapu y queremos esfrutar la montaña desde'l primer minutu.
La caleya que coyimos,llévanos al Mayáu Peñalba.
 Nes primeres cabañes,facemos una paradina pa rexuntanos.
 Un buen cierre,el d'esta cabaña.( Semeya d'Ana)
Seguimos camín.Tenemos que cruzar Peñalba,siguiéndo la xiénda que nos lleva a los mayaos de Soperi d'Arriba y d'Abaxu.Llonxe colúmbrase la Xerra Moruña o Cuesta'l Cuarezu.(Semeya d'Ana)
Según llegamos a l'altu'l mayáu,la Xerra Moruña,vese meyor.

Atrás,vamos dexando les praderíes de Peñalba.Llonxe,Xerra la Estaca,col Picu Cruz de Priena.

 Pasamos per Soperi d'Abaxu,.......
 .......Soperi d'Arriba y......
.....facemos otra paradina.
 Seguimos camín.Al ganar altura,columbramos cumales del Macizu'l Cornión.
 Los Picos d'Europa,atraen les mirades de los montañeros.(Semeya de Magín)
 Macizu Occidental de los Picos d'Europa o Cornión.
 Llegamos a la Cueñe'l Carru y....
 .....facemos una semeya n'alcordanza.Al fondo,el Cornión.
Seguimos camín.Pasamos pel Potreru de Cuncasada y......
 ....la Vega Narves.Les vaques descansen guapamente.Pasamos......
 ......sin molestales.
 Topámonos con un árbol centenariu y abrazámonos a el,......
 .....pa coyer enerxía.(Semeya d'Ana)
Pasamos al llau de les cabañes de Cuinimala......
.....onde a la nuesa coordinaora,lleguen-y alcordances de la su niñez.
 Seguimos caminando,buscando'l cumal del Porru Tinteru.

Entamamos la xubida,per una arista pedegosa y con bonos agarres.
 Los cabezaleros, lleguen al cumal.
El restu'l grupo,vamos xubiendo d'unu,nunu.
La coordinaora,controla la marcha'l grupo.

Llega'l presi,que cierra'l grupo.Ya tamos toos nel cumal.
 Esfrutamos de les perguapes vistes,mientras comemos dalguna cosuca.
Desdel cumal,columbramos al Sur,la Xerra d'Amieva.

Al Norte,el cordal de los Porros

Al Este,el Macizu Occidental o Cornión.

Col zoom,acercamos pa ver meyor los principales cumales.

Antes de colar,facemos la semeya de cume
Dempués d'esfrutar de la cume,entamamos la marcha.
 Baxamos d'unu,nunu,con cuidao.Piedres mecíes con la maleza,pueden facete tropezar y mancate.(Semeya d'Ana)
La coordinaora,controla la baxada.
 Seguimos el camín que .....
....nos lleva'l Mayáu  Vizcalluenga.
 La última mirada,antes de perder de vista al Macizu Occidental.(Semeya de Magín)
 Al fondo,Vizcalluenga.
 Pasamos al llau les cabañes de Vizcalluenga
 Mayáu de Vizcalluenga
 Sin parar,la coordinaora llévanos pal Mayáu de Ñajuentes,onde queremos facer la xinta.
 Llegamos a un falsu colláu y columbramos el Mayáu Ñajuentes.
 Mayáu Ñajuentes.Llonxe,La Corona,El Mirador,.....

 Darreu,baxamos pa Ñajuentes.Ye tarde y tenemos fame.
Llegamos al mayáu y buscamos abellugu.....
.....pa facer la xinta.
La coordinaora,tríxo un.....
......un bizcuechu y......
.....compartiolu col restu'l grupo.Taba buenííííísimu.Nun quedaron ni les migues.
Dempués de la xinta,entamamos la marcha.Pasamos pel Pozobal,el......
 ......Mosquín y....
 ......llegamos al Españeu.
 Semeya de Magín.
 Nel Españeu,coyemos la xienda que lleva a l'Acebal y.....
 .....al Jaidiellu.
 Pasamos per les cabañes de Jaididiellu.
 La xiénda,pasa per una viesca de carbayos y abedurios.
 Dalgún àrbol centenariu,aguanta como puede'l pasu'l tiempu.
 Llegamos a Jaidiellu d'Abaxu y.....
 ....coyemos la xiénda'l Matamudu.Al fondo vemos el Picu Mermellu.

 La xiénda,ye aérea.Al fondo,escodía entre la vexetación,atópase la Olla de San Vicente.



 Toos xubimos al Mermellu,pa columbrar....
 ....la Olla de San Vicente.
 Seguimos pel camín del Matamudu y.....
 ....llegamos a La Pandiella,onde.....
 ....falamos con un llugareñu.
 Colamos de la Pandiella,......
 .....siguiendo la xiénda que nos lleva a la viesca de Valdimiera.
 A un llau,dexamos el Matamudu.
 Cruzamos la Viesca de Valdimiera y....
 .....llegamos a les cabañes del mismu nome.
 Cabañes de Valdimiera.
 Coyemos la xiénda del Senderín,perguapu y aéreu camín,que lleva a Tornín.
 Pasamos pel  Colláu Baxu.Al fondo,tapau per los árboles,pasa el Ríu Dobra.
 El camín agora,ye mas tranquilu.Pasa paralelu a....
 ....a la carretera xeneral.Al fondo,Santianes de Tornín.
 Llegamos a Tornín.
 Los árboles frutales,están florios.
 Les abeyes y.....
 ....aviespes,van buscando'l nectar de les flores.
 Tornín.
 El Sella.