miércoles, 14 de marzo de 2018

TARAMUNDI-MAZUNOVU-LES VEIGUES-TEIXOIS-PICU OUROSU-ALTU LA GARGANTA

RUTA FECHA COL G.M. LA PEÑUCA DE XIXÓN.






Powered by Wikiloc

El coordianor de güei,ye : Quintana.
La ruta de güei,entamámosla en Taramundi.Estos señales,indiquen el camín.
Nesti cartel,vemos parte de la ruta que queremos facer.
Pasamos al llau d'un horru,con corredor,panoyes de maiz y cartel anunciador.
Coyemos la caleya que lleva a....
 Mazunonvu,el....
 ...mayor museu de molinos, d'España.(Eso diz el cartel)

 Fcemos unes semeyes y.....
 ...seguimos per la ruta l'agua.
 Deaxamos la ruta principal y....
 ....coyemos la xenda que lleva a la cascada.
 l'Arroyu Salgueiru,ye'l que forma la cascada del mesmu nome.

Cascada Salgueira.
a
Antes de colar,facemos unes semeyes.

a
Dempués de les semeyes,tornamos.....
...pel mesmu sitiu de xubida.

 Seguimos camín per la xenda principal y.......
 ....llegamos a Esquíos.
 Teyaos de pizarra,típicos de la zona.
 Un cabozu,tamién conocíu como horru gallegu.Non,non.Nun tamos en Galicia.Tamos.......
 ......n'Asturies.Nel Paraisu.Estes banderes colgaes de les ventanes,déxenlo claro.
 Seguimos camín.
 Una fonte.Nestes fontes,pueden vese les Xanes y Ayalgues,na nueche de San Xuán.
 Atrás vamos dexando'l pueblu.
 Un arbol cayíu per los últimos temporales,corta la xenda.Tenemos que furar per baxu.
 Tamos na ruta l'agua.Ríos y regatos,vense per cualquir llau.
 Nel suelu,fueyes de la seronda,estren la xenda.

Llegamos a Veigues.
Esti cartel alcuérdanos que tenemos que ser llimpios y cuidadosos.¿Na nuestra casa,tiramos les mondes de les naranxes,los pelleyos de los plátanos,le botelles de plástico o cristal,al suelu?.¡¡ Non !!.Nel monte,tampoco tenemos que facelo.
Bordiamos les cases,pa dir ver.....
....la Ermita de Nta.Sra. de les Nieves.
....onde facemos.....
...unes semeyes n'alcordanaza.
Dempués de les semeyes,colamos.
El Ríu Turía,baxa bravu.
Tornamos otra vez al pueblu.
Vemos con munchu agradu ,qu'el ponte resiste.
Facemos una paradina,pa comer dalguna cosuca y reponer fuércies.
La primavera ya ta cerca,los xacintos y.....
....narcisos,xucen perguapos.
Rafa cruza'l ponte.Güey,toca-y dir cerrando'l grupo.
Colamos pa Teixois.
 Atrás dexamos a Veigues

Les xendes de la ruta de güei,tan muy llimpies y cuidaes.Pasen pel.....
 ......medio de viesques,con arbustos floríos y.....
 ...d'árboles con l'iquenes nes rames.l'Aire per estos llugares, ye puru.
 Topámonos con esti burrín.Mirome....
 .....fixamente,con los güeyos tristones y díxome al oidu,que prestaría-y venir con nosotros,pero que nun puede.Al paecer,trabayó como un burru de xoven y agora tien les patuques amalucaes.
Entramos en Teixois.
Les moces de la ruta alternativa,atoparon abellugu pa facer la xinta.
Los molinos y....
....l'agua pa movelos.
 Un cabozu,a la salida'l pueblu.
 Colamos camín de Teixu,la xenda pasa'l llau l'Arroyu les Mestes.
Mas qu'arroyu,ye ríu.
 Menos mal,que nun tenemos que cruzar per esti ponte.
 Les fueyes de la seronda,dexaron la caleya estrada
 Pasamos al llau d'unes cases abandonaes y un ponte de piedra.
 Seguimos pe'l mediu d'una viesca de pinos y d'otros árboles.
Col cielu azul de fondo,la naturaleza ye mas guapa.Una curiosa....
...espiga de pino,.....
 ....unes fueyes de carbayu,.......
 .....una perguapa mimosa,verde y mariella,.....
 ....o unes cotolles floríes.Tou ye mas guapu,si el fondo ye l'azul del cielu,...... del cielu d'Asturies.
 Llegamos a Teixo,.....
 ...onde queremos facer la xinta.Na zona está pegando un vientu fríu y furacanau.
 Menos mal que l'amu d'esta casa,dexonos entrar pa que comiéramos el bocadillo abellugaos del vientu.Ofrecionos entrar dientro de la vivienda.Nun quisimos facelo,porque teníamos les botes enllenes de barru y díbemos dexáila fecha un ascu.Entós......

.....saconos unos bancos,pa que tuviéramos mas cómodos.Desde aquí,damos-y les gracies por tou y mandamos-y un saludu. ¡¡¡Munches gracies !!!
 Dempués de la xinta,colamos pal Picu Ourosu.
Salímonos un poco de la xenda principal,pa ver esta llaguna.Ficimos....
...unes semeyes,,,,,
...n'alcordanza.
Tornamos pa la xenda principal,entre pinos......
....cargaos de piñes.
Llegamos al Picu Ourosu (1035m).

 El coodinaor.
 Les moces del grupo y.....
 ....toos xuntos faciéndo la semeya de cume.
 Les manes n'altu,pa que se vea que lo estamos pasando perbién.
 Desde'l cumal,columbramos la Xerra de la Bobia.
 Dexamos el Ourosu y....
 ...d'unu,nunu,entamamos la última parte de la ruta,.....
 ...casi siempre pel mediu d'una viesca.

 Esti perrín,fizo toa la ruta con nosotros.Mas de 22 km y 1400 m de desnivel.Nun hai dulda,ye un perru montañeru.
 Llegamos al Altu la Garganta,onde espéranos l'autobús.

                                                                          ASTURIES 2018.TRIPLE ANIVERSARIU
Centenariu de la coronación de la Virxen de Cuadonga - 1.300 años del orixen del Reinu d'Asturies - Centenariu de la creación del Parque Nacional de la Montaña de Cuadonga