Ruta fecha col G.M.La Peñuca
Gráfica de la ruta.
El coordinaor o guía benévolu ye : Indalecio.
En Xixón,la lluna déxase ver per dalgún furacu de los nubarrones.
Güei,per unos problemas técnicos y meteorolóxicos,nun podemos cruciar el Huerna y dir pa Lleón,onde desde'l pueblu d'Aviados,teníamos previsto facer la Peña Galicia.A grandes males,grandes remedios.Baxámonos al llau la estación de La Cobertoria y......
.....coyemos una xenda que nos lleve a Boo ( onde nos espeta l'autobús) pasando per la Xerra de Ranero.
Ya vemos la Xerra de Ranero.Intentaremos crestiala y facer el Cuitu Espines o Peña Cumbre y el Picu Ranero.
Según ganamos altura,la nieve ye mas abonda.El cielu......
....ta toldau y paez que quier llover.Les previsones yeren de muncha agua p'Asturies. Nosotros nun nos preocupamos.....
....tenemos el "beapoppins",el paragües máxicu,de Bea.Güei,na ruta de La Peñuca,nun llueve.
El cielu ya se va tornando azul.Otra vez se cumple'l dichu popular:
"Si Bea trixo'l paragües,per les nubes queden les agües"
Hasta los charcos se conxelen,pa que nun moyemos les botes.
Seguimos p'arriba.De momentu,la nieve.....
.....nun da problemas pa caminar.Esperemos.....
....que per la crestería,nun topemos xelu y podamos facer los cumales.
Al Norte,la Xerra l'Aramu,tamién ta cubierta de nieve.
Una parada pa rexuntanos y facer una semeya de grupo.
El coordinaor ta contentu.La ruta,.....
....que tamos faciendo ye perguapa.La nieve,da-y esi plus de guapura,que tanto nos presta.
Ya vemos el primer cumal.El Cuitu Espines o Picu Cumbre.
Los cabezaleros,ya xuben pal cumal.
Los demás,llegamos al colláu y entamamos tamién la xubida.
Vamos sele,sin prisa.La nieve ta blanda y.......
.....anque tenemos el camín fechu per......
.....los cabezaleros,cuesta trabayu.....
....xubir.
En dellos sitios,la nieve llega a les rodiyes.
Seguimos p'arriba,abrigaos hasta les oreyes.Nun llueve,pero'l cutu ye abondu.
Los bastones,son básicos na prautica del montañismo.Si la ruta ye con nieve,yo diría que imprescindibles.Les rodiyes,el llombu y los cadriles,agradecerántelo.
La utre tien fame.Míranos de regüeyu.De.....
...... momentu,tendrá que facer la xinta,n'otru llau.
Seguimos camín.Los ramascos,tan conxelaos.
La nieve,nun da problemas.Podemos caminar,sin peligru.
El cielu ponse prietu y.......
.....Bea llevanta'l paragües,pa que per les nubes,queden les agües.
Una paradina,pa facer .......
....unes semeyes.Esti,ye un paisaxe Navidiegu.
La nieve,vuela pel aire.
Los últimos metros y......
....llegamos al cumal del Cuitu Espines o Picu Cumbre (1183m)
Facemos la semeya de grupo.La.....
....de moces y.......
....el saltu de cume.Tamos esfrutando de la montaña.
Colamos per la cresta,pal sigiente picu.
Caminamos per zona de viesca baxa,cubierta de nieve.
Una torreta metálica,señálanos el cumal.
Caminamos xuntos,como musarañes.
Pasamos per zona xelada.Hai que dir con cuidao.
Marino llevanta'l brazu.¿Tará riñendo?
Seliquín ,seliquín,.....
.....vamos llegando al cumal.
Abaxu,los pueblos del valle del Caudal.
Los últimos metros y.....
.....llegamos al cumal del Picu Ranero (1097m)
Unes semeyes.....
...de cume y......
....colamos.
Inda ta xuguetón y tira boles de nieve.Tamos pasándolo perbién.
Abaxu,el valle,está llimpiu de nieve.
Tiramos p'abaxu.La xinta queremos facela en Boo.
Coyemos una pista cubierta de nieve.
El cielu,vuelve a ponese prietu.
Bea,xube a un árbol y llevanta'l paragües.Darréu....
....el cielu vuelve a tornase azul.El "beapoppins",sigue funcionando.
Ya vemos el pueblu de Boo.
Llonxe,na parte alta,colúmbrase una cascada.
Cruciamos el pueblu,pasamos .....
....al llau la Ilesia y.....
....llegamos al chigre,onde nos dexaron un local pa comer el bocadillu.
Damos les gracies,per la ambilidá de los chigreros.Ya lo sabeis,si vais per Boo,nun dexeis de visitar el chigre'l pueblu.
Fin de la ruta de güei.
No hay comentarios:
Publicar un comentario