Ruta fecha col G.M.La Peñuca de Xixón.
Gráfica de la ruta.
El coordinaor o guía benévolu ye : Carlos de Paz.
Güei.la ruta entama en Torrestío,onde nos dexa l'autobús.
Unes cigüeñes nel ñeru.Tendrán.....
....el ñeñu o ñeña nel ñeru o ya lu entregarien a los pas?
Dexamos a les cigüeñes col su trabayu y colamos
Salimos del pueblu,per la pista que va a la Farrapona.Llonxe,colúmbrase la Peña Redonda.
Dexamos la pista de La Farrapona y coyemos el desvíu,pal Valle de Valverde.
Atrás vamos dexando Torrestío.
Vemos el Morru Negru.La caleya ye prestosa de caminar,con.....
.....flores per les orieyes.
Cruciamos el Valle de Valverde.Llonxe,el Solarcu,Vachera,Cualmarcé......Pa los que nos gusta la montaña,pasar per esti valle,ver estos montes,respirar esti aire,ye algo mas que caminar pel monte.
Cruciamos agora'l Valle de Sousas,siempre en lixera xubida.Al Sur,el Morru Negru,invítanos a xubilu.
Dexarémoslu pa otru día.Seguimos camín,buscando el Colláu el Queixeiru.
Ya vemos el cumal de la Peña del Congostu,el Quexeiru,ya lu tenemos cerca.
Los cabezaleros,ya llegaron al colláu.
Los demás,vamos llegando.
Colláu el Queixeiru.Facemos una paradina pa rexuntanos,hidratanos,comer dalguna cosuca y esfrutar.Esfrutar muncho, d'esti perguapu dia de monte.
El guia benévolu,está percontentu.Sabe que estamos esfrutando con esta ruta y eso fáilu feliz.Está tan contentu que.....
...pega saltos d'allegría.
Antes de colar,facemos una semeya de grupo.
Otra,con les manes n'altu.
Dexamos el colláu y......
....seguimos camín.Tenemos que cruciar.....
.....el Valle Congostu.Llonxe,la Peña y la Torre Orniz
Vamos cruciando'l valle.Tenemos que pasar per la Llaguna Congostu y xubir al Colláu Concechu a 2060m
Atrás vamos dexando'l Valle Congostu.
Una paradina pa....
....esfrutar,descansar y preparase pal.....
....saltu de cume.
Hay que entrenar duro,pa presentase al Coninsacu.
La última xubida y....
....llegamos a la Llaguna Congostu.
Llaguna Congostu
Dempués d'un repechucu,llegamos al Colláu Concechu onde podemos columbrar el Valle Congostu y los cumales que lu rodien,
Al Sur,vemos Peña La Cervata,l'obxetivu de güei.
Dempués d'una paradina nel colláu,colamos.
Llonxe,un rebecu,estira les oreyes al venos.
Una lixera xubida y.....
....llegamos al cumal.Les vistes,son mas que perguapes.
Vista al N.O.
Vista al N.E.
Vista al S.
Vista al E.
El momentu de la cume.El recoximientu interior,cerrar un momentín los güeyos,respirar fondo,escuchar los soníos del silenciu y......que'l mundo se pare,que la tierra dexe de xirar,que se estropien les aguyes del reló y el tiempu nun corra.....
La xinta facémosla nel cumal.Sin mesa,sin mantel,sin silles.Nun facen falta.
Seguimos con los entrenamientos pal Coninsacu.Esti saltu en individuales y....
...esti otru en duo,seríen medalla d'oru.
Facemos les semeyes de cume.
Esta de moces,col coodinaor.
La semeya de moces.
Dempués de les semeyes,colamos per la crestería,pa baxar a los Puertos del Cuetalbo.
Atrás vamos dexando La Cervata.
El cielu va poniéndose empedrau.
La crestería ye prestosa de caminar.
Al final,una paradina pa rexuntanos y facer semeyes.
El coordinaor o guía benévolu.
El coodinaor de cierre.Siempre atentu,que naide quede atrás.
Una semeya de moces,con los bastones cruciaos.¿Tarán .....
.....mandándonos dalgún mensaxe?
Dexamos la crestería y "tirámonos" pa los Puertos del Cuetalbo.
A una llau,vemos una roca con una forma un poco rara.
¿Véisla?
Taremos pasando per dalgún sitiu encantau?.
Seguimos camin.
Pasamos per los Puertos del Cuetalbo
Llonxe,queda La Cervata
Peña La Cervata
Dexamos los Puertos del Cuetalbo y metémonos per los de la Covalancha.
Una llaguna floría.
Seguimos camín.Pasamos pel.....
....Mayáu de Covalancha
Falta poco pa llegar a La Cueta,asina que llavámonos un poco nel Ríu Sil.
Cruciamos el Mayáu de Butusil y......
....llegamos a La Cueta,onde espéranos l'autobús.
Una golondrina,salúdanos al pasar.
Ilesia de La Cueta
Fin de la ruta de güei
No hay comentarios:
Publicar un comentario