Ruta fecha,col G.M.La Peñuca de Xixón.
Gráfica de la ruta.
La ruta
El guía benévolu ye:Eduardo.
La ruta de güei,entama n'Espinaréu.Dexamos l'autobús,nel aparcamientu d'un chigre y colamos per la carretera,pal pueblu.
El Ríu Espinaréu.
Diez minutinos escasos per la carretera y......
.....llegamos al pueblu.
Espinaréu.
Pasamos per El Barro y.....
.....Porciles.
Un caballu.
La xenda que caminamos,ye perguapa.
Pasamos pel Colláu Tayada y entamamos la xubida pal Picu La Muda.
Colláu Tayada,Picu Colines y Picu'l Cuetu
Picu Corona de Cardes
Rafa,encargau de cerrar el grupo,espera a los caberos.
Un carrascu,cargau de frutos.
La xubida al picu,ye bastante pindia.
Los bastones son muy importantes,na práutica del montañismo.
Llegando al cumal.
Picu Sopiedra o La Muda (934m)
Xeodésicu del Picu La Muda y la Xerra'l Sueve
Al Este
El mundo,a los nuesos pies.
El coordinaor de la ruta o guía benévolu.
Esti ye, Peñuquín.Un perrín perguapu,que fizo la ruta con nosotros.Intentamos que nun viniera,pero nun hubo manera.Vese que ye un perrín montañeru.
Nota:La final de la ruta,dos compañeros tornaron al pueblu onde se xuntó a nosotros,pa dexalu na su casa.
Aquí lu veis,.Dempués de comer un plátanu,coye'l pelleyu y llévalu pa que nun quede pel monte.Vese que ta bien enseñau,sabe que pel monte nun debe dexase ningún esperdiciu.
Antes de colar,facemos les semeyes de cume.
Nun puede faltar la semeya de moces.Ye costume n'esti grupo,facela.
Dempués de les semeyes,colamos.
Coyemos la crestería y.....
...baxamos pal Colláu Pendedor.
Atrás,vamos dexando el Picu La Muda.
Llegamos a les cabañes de Pendedor y.....
.....facemos una paradina pa rexuntanos.
Seguimos camín.Pasamos al llau la Fonte de Pendedor.
Llonxe,unos venaos,corren asustaos.
Pasamos agora, per les cabañes del Castañar.
Una cascada piquiñina,al llau'l camín.
Una xenda perguapa,llévanos......
......a Pandu l'Osil,onde......
....buscamos abellugu,al llau les cabañes,pa facer la xinta.
Peñuquín,va d'un llau a otru,faciendo tamién la xinta.
Aquí,comiendo el postre.Unes natilles,riques,riques.
Nada Peñuquín.Nun tienes falta facete sociu.Vienes con nosotros cuando quieras.
Dempués de la xinta,entamamos la marcha.
La xenda pasa agora.....
....entre felechos mustios y......
....dalguna cotolla con flores marielles,que allegren la vista.
n'Esta zona,el camín esta tomau per la maleza.Tenemos que furar como xabalinos.
Ven a Asturies.Vuelve al paraiso,pero.....
...trae una foceta,pa llimpiar los caminos.
¡¡Grita montañeru!! ¡¡Grita!!......pero naide nos escucha.Asina que....... ajo y agua.
La xenda,vuelve a estar llimpia y......
....llévanos a Sobañéu,onde......
....facemos una paradina pa descansar y rexuntanos.
Seguimos camín,dexamos la pista y metémonos per una......
....xenda,camín de La Escosura.
Pasamos al llau de la Fonte Tronquiellos y.....
....vamos llegando a la Escosura.
Cabañes de La Escosura.
Pasamos agora per una viesca,con......
...árboles cayíos,que formen figures rares.
Ya tamos llegando a Espinaréu.Llonxe columbramos los picos Colines,El Cuetu y el pueblu de Porciles,per onde pasamos nel entame de la ruta.
Espinaréu.
La Ilesia de Sta María de les Nieves n'Espinaréu.
Un horru.
No hay comentarios:
Publicar un comentario