Ruta fecha col G.M.La Peñuca de Xixón
El coordinaor de la ruta:Domingo
La ruta de güei,entamámosla en Villabandín.l'Autobús déxanos al llau la ilesia'l pueblu
Estes moces,saben lo que facen al sentase nun bancu,a esperar al restu la xente.Güei,queremos facer (en llingua semeyera) "un 14.000" (siete picos de mas de 2.000 m = 14.000).Amás, la primera parte ye pel Barrancu d'Entrepidres.Unos 4 km y 400 m de desnivel,per zona salvaje.Asina que debemos guardar fuercies.Vamos necesitales.
Colamos del pueblu per una caleya y....
.....dempués d'unos metros,coyemos el desvíu pal....
....Barrancu d'Entrepiedres.
El ríu baxa bravu.
Tendremos que cruzalu varies veces,....
.....antes de llegar a la Braña Llampa.
Vamos caminando per.....
....la oriella'l ríu.
Nun hai xenda.El camín.....
.....fáise andando.Cruzando una y otra vez el ríu.Buscando los meyores pasos.
En dellos sitios,l'agua baxa con fuercia.
La vexetación ye abonda en dalgunes partes y.....
......fáinos mas dificil el caminar.
Llegamos a un claru de la viesca.Una paradina pa rexuntanos y....
....darréu entamamos la marcha.Los árboles tan llenos de líquenes.l'Aire ye puru.Respirar,ye pura melicina.
Seguimos de oriella a oriella.
En dellos sitios,los puntos d'apoyu son piedres enllenes de mofu.Resbalar y pegar un llombazu ye facil.El coordinaor,conocedor de la ruta,ayuda a cruzar.
Seguimos camin,viesca p'arriba.
Según ganamos altura,el ríu va menguando y......
....la viesca va cerrándose.
En dellos sitios,tenemos que furar entre ramascos.
Un altu nel camín.Una.....
......figura de piedra y....
.....seguimos.Ya vemos el cielu.Tamos llegando al.....
....final del barrancu.LLonxe,columbramos la Xerra de Villabandín y cinco de los SIETE cumales que queremos facer.
Una paradina pa rexuntanos y.....
....darréu colamos.
Llegamos a la Braña Llampa y sin parar....
...entamamos la xubida pal Picu les Ferreres,el primeru de güei.
LLegamos a un colláu.Vemos parte de la crestería que queremos facer.
Facemos una semeya n'alcordanza.
El coordinaor,espera que lleguen los caberos y.....
...entamamos la xubida pal picu.
El cielu ponse prietu.Les previsiones yeren de posibilidaes de tormentes.Esperemos que nun descargue.
Llegamos al cumal.
Desde'l cumal,vemos la crestería y los seis cumales que nos falten.Esperemos que la tormenta nos dexe facelos.
Facemos les semeyes de grupo.El deu índice p'arriba,diznos que....
....tamos nel primer dosmil.
Dempués de les semeyes,colamos pal Picu Cañada.
Llegamos al Picu Cañada y sin parar......
.....seguimos pal Altu de la Cañada.
Picu Altu de la Cañada (2157m),el techu de los cumales de güei.
El Macizu d'Ubiña
Na cume,buscamos abellugu,pa facer la xinta.
Dempués de la xinta,colamos.Vemos la crestería y los picos que tenemos que facer.
Atrás,vamos dexando l'Altu la Cañada
Llegamos al Rubinaltu y facemos la semeya de cume.
El coordinaor,en el Rubinaltu.
Llegamos a la Peña l'Arena,dempués de pasar pel Altu la Peñuca.La mano ta abierta.Quier dicir que llevamos ya cinco dosmiles (seis,si contamos l'Altu la Peñuca).
Colamos per una llingua de nieve,que cubre l'arista hasta'l siguiente picu.
Tamos en xunu y.....
...presta caminar per la nieve.
Pasamos per una pedrera,que nos dexa......
...na cume del últimu picu,d'esta tercera etapa.Seis dosmiles (siete,si contamos l'Altu la Peñuca).
Desde'l cumal,vemos la crestería y los picos que ficimos.
Dempués de esfrutar del últimu cumal,entamamos la.......
....marcha,La parte cimera,ye zona pedregosa.Tenemos que .....
.....baxar con cuidao.Llueu.....
.....metémonos per piornales,que vamos pasando como podemos,hasta .....
....llegar a zona mas tranquila.Una paradina pa rexuntase y.....
....seguimos p'abaxu.
Llegamos a zona yerbosa y......
....floría.
Atrás vemos el Picu l'Arena.l'Últimu dosmil de la ruta.
De la fonte sal tanta agua,que....
...casi forma un riú,que tenemos que cruzar.
Llegamos al pueblu.
Na fonte,llavámonos un poco y cambiamos la ropa.
La Ilesia de San Miguel y.....
....la escalera de xubida'l campanariu.Ye mas dificil que facer un dosmil.
El campanariu.
Una de les campanes.
Villabandín
Un escudu y......
...el chigre.
Güei,merecemos el refrescu de fin de ruta.Sentaos .....
....fuera o....
....dentro.Lo importante ye pasalo bién.
ASTURIES 2018: TRIPLE ANIVERSARIU
Centenariu de la coronación de la Virxen de Cuadonga - 1.300 años del orixen del Reinu d'Asturies - Centenariu de la creación del Parque Nacional de la Montaña de Cuadonga.(Güei,Parque Nacional de los Picos d'Europa.)
No hay comentarios:
Publicar un comentario