Ruta fecha col G.M.La Peñuca
La coordinaora de la ruta ye : La Santina
La ruta de güei,entama nel Altu'l Pedrosu.l'Autobús d'Autos Sama,déxanos averaos al camín que va p'Amandi,onde nos xuntaremos col restu los compañer@s que salieron de madrugada de Xixón.
Facemos una semeya n'alcordanza.
Aquí tenemos el nuestru particular "km 0".La Marcha a Cuadonga,que facemos toos los años,ye una actvidá dura.Munches hores de caminata y munchos kms de recorríu.Necesites allimentate de contínuo,si nun quiés que t'entre la famosa "páxara".n''Esta ocasión,llevamos nel autobús d'apoyu,unes.....
...caxes de batidos muy ricos de soja y chocolate,de la Central Lechera Asturiana.Bién ciertu ye,que van ayudanos muncho y que terminaremos la ruta,frescos como lechugues. Asina que.....
.....metemos tres batidos na mochila,pa tomalos pocu a pocu.Ya lo sabes:
Si quiés recuperar les fuercies de forma sana,
toma los batidos de Central Lechera Asturiana.
Colamos del Pedrosu.Pasamos al llau....
...del palaciu o Torre de Nievares.
A un llau queda la Ilesia'l pueblu.
En Grases,una capillina a la vera la carretera.
Vamos llegando a La Parra,onde vamos almorzar.
El cielu ta azul y.....
...les flores,.....
....llucen perguapes.
Dempués del l'almuerzu,coyemos el camín d'Amandi.Tamos nel km7.
Capilla de San Xuán.
Pasamos al llau de Quinta la Vega y.....
...coyemos la xenda que pasa al llau'l rio.
El camín,está secu.Esperábamos pisar munchu barro per esta zona.
Los paragües,facen de bastones.
El caballu,míranos al pasar.
Esti,ya nun puede mirar.
La xenda,pasa agora pel medio d'una viesca y.....
....llegamos a Coru.
Metémonos agora,pel camín que pasa per Moratín y Cuetubaxu.
Pasamos per Breceña y....
...coyemos el camín de Busllaz.
Nel pueblu,facemos una semeya al llau la capilla.
Colamos de Busllaz,per una perguapa xenda,entre árboles que dan sombra.
El cielu ta azul y el sol calienta.Tamos content@s.Les previsiones meteorolóxiques yeren d'agua tou'l día.
Llegamos a Sietes.
Ilesia de Sietes.
Llevamos 17 km nes pates.
Camín d'Anayu,topamos otra capillina.
Un cartel indicativu tirau pel suelu.Que pena.Fáigome una entruga.¿Nun hai ningún organismu oficial que s'encargue de meyorar y cuidar esta ruta andariega?.
Llegamos Anayu.Aquí,queremos facer la xinta.
Un aperitivu na terraza y.....
....a comer el menú l'andariegu.¿Nun sabeis cual ye esti menú? Si,ho!!.Ye....
....un platu patates frites,dos güevos,un chorizu y un pocu de xamón.Rico,rico.Onde t'esto,que se quite eso de "la nueva cocina".Asina que....
.....a xintar !!!!.
Dempués de la fartura,entamamos la marcha.Pasamos al llau la Ilesia d'Anayu y....
...llegamos a Borines......
....Vallobal y....
....Miyares.Llevamos 28km,nel llombu.Seguimos sin parar,camín de La Goleta.
Pasamos al llau les antigües escueles del pueblu y.....
...llegamos a Cúa.
De Cúa,a Soto Dueñas.
El trayeutu de Soto Dueñas a Ozanes,facémoslo per la carretera.
Llegamos a Ozanes.Coyemos la carretera que.....
....lleva a Romiyu.Llevamos 41km.Les patuques,ya piden descansu.
Xubimos la cuesta'l Romiyín.Una tachuela,que si vas medio "xodíu",termina de "xodete".
Llegamos a la Ermita de San Xosé y....
...coyemos la caleya,que baxa a Villanueva.Llonxe,colúmbrase la Xerra'l Sueve.
Les vaques,descansen guapamente.A nosotros,apeteznos entrar dientro'l prau y echanos con elles.
Ya vemos Villanueva y Cangues d'Onís.La meta está mas cerca.Llonxe,los Picos d'Europa,alcuérdennos que semos montañer@s,que sufrir y esfrutar,tan xuníos.Asina que seguimos p'alantre.
Cruzamos el Ríu Sella y....
...llegamos a Villanueva.
Una xenda'l al llau'l ríu,llévanos a....
.....hotel,onde vamos a pernoctar.Tamos nel km 49.Mañana queden unos 12,pa llegar a Cuadonga.Agora toca duchase,cenar y....... pa la camina a descansar.
El ponte de Cangues,al anuechecer.
Al día siguiente,la marcha ye tranquila.Vemos un xatín mamando,un....
....caballu paciendo y el potrín descansando,un....
...ñerbatu col su picu mariellu y...
....una oveya,col corderín allimentandose.
Sin danos cuenta,llegamos a La Riera.
Coyemos la xenda que llévanos a....
...Cuadonga.
La Cueva de Cuadonga y....
,,,la Santina
Don Pelayo.
Dempués de la misa'l peregrinu,esperamos el momentu,pa la ufrienda a la Santina
Momentu de la ufrienda.
Semeya de grupo,al llau la estatua de Don Pelayo.(Pa nosotros Pelayo,con toos los respetos)
ASTURIES 2018 :TRIPLE ANIVERSARIU
Centenariu de la coronación de la Virxen de Cuadonga - 1.300 años del orixen del Reinu d'Asturies - Centenariu de la creación del Parque Nacional de la Montaña de Cuadonga (Güei,Parque Nacional de los Picos d'Europa)
No hay comentarios:
Publicar un comentario