Powered by Wikiloc
Ya vemos l'oxetivu de güei,el Picu'l Cucu.
Un regatu d'agua,pasa pel mediu la caleya.
Llegamos a un mirador y columbramos l'embalse de Doiras
ASTURIES 2018.TRIPLE ANIVERSARIU
miércoles, 4 de abril de 2018
DOIRAS - PICU'l CUCU - DOIRAS
Ruta fecha col G.M. La Peñuca de Xixón.
El coordinaor de la ruta :Magín
La lluna,al riscar l'alba en Xixón.
l'Arcu la Vieya,nel viaxe de Xixón a Doiras.
Doiras,el pueblo onde entama la ruta de güei.
Colamos del pueblu y darréu metémonos per una xenda entre ocalitos.
Empieza a orbayar.
A un llau,quédanos l'embalse de Doiras.
Ya vemos l'oxetivu de güei,el Picu'l Cucu.
La xenda pasa'l llau del.....
...Ríu Urubiu.
Una vaca ta paciendo guapamente.
Per les lladeres del monte,baxen torrenteres d'agua,que van mecese col Urubiu.
Atopamos varios artuluxios como esti,colgaos de los árboles.Dicen que ye pa cazar avispes asiátiques.
Rames y.....
...árboles cayíos,pel medio la caleya.Les tormentes fueron abondes en dias pasaos.
Tenemos que pasar esti regatu.Pani,chavalín de casi 80 tacos,cruzolu d'un saltu.La mocedá,ye la mocedá.
l'Orbayu,vuelve a cayer.Rames de pinos.....
...medio rotes están esparcíes pel suelu.
La viesca queda solitaria,dempués de pasar los caberos.
Llegamos a una colláu
El cartel,enséñanos pa onde queda'l picu y.....
...tiramos pa el.Los cabezaleros,ya están nel cumal.
El coordinaor en el picu.
El embalse de Doiras,desde'l cumal.
Facemos unes semeyes,n'alcordanza.
Baxamos pal coyau pa facer la xinta.Na cume pega un vientu xelón,que fai baxar muncho les temperatures.
Abellugaos nel colláu,facemos.....
...la xinta.
Dempués de la xinta colamos.Metémonos .....
...per una perguapa viesca.Los árboles enllenos de líquenes.Pasamos en silenciu.Buscando coses,sintiéndo coses.Dalgo máxico que nun se puede esplicar.Cierra los güeyos y ....sueña,sueña.
Un regatu d'agua,pasa pel mediu la caleya.
Llegamos a un mirador y columbramos l'embalse de Doiras
Facemos unes semeyes ....
....n'alcordanza.
Volvemos a metenos per otra viesca.
La baxada ye pindia y resbaiza.Tenemos que baxar con cuidau,afitando.....
....bien los bastones.Resbalar y pegar un culazu,ye facil.
Según el códigu montañeru,el/la que pega un culazu,tién que pagar una botella sidre.
Güei,tomamos sidra de baberu.
Los bastones,xunto con les botes,son los aperios del montañeru, nos que nun se deben escatimar les perres.Sin bastones,güei,baxaríamos a cuatro pates.
San h,itu,diznos que vamos bien.
Pasamos entre castaños y pinos.
Un oriciu de la última guetada.
Un piñu,de piñes.
Llegamos a la xenda principal.Un descansín,ye necesariu.
Cruzamos el Ríu Urubiu y....
...seguimos el camín que nos torna a Doiras.
Llegando al pueblu,facemos una espemeya.
ASTURIES 2018.TRIPLE ANIVERSARIU
Centenariu de la coronación de la Virxen de Cuadonga - 1.300 años del orixen del Reinu d'Asturies - Centenariu de la creación del Parque Nacional de la Montaña de Cuadonga. (Güei,Parque Nacional de los Picos d'Europa)
Ya vemos l'oxetivu de güei,el Picu'l Cucu.
Un regatu d'agua,pasa pel mediu la caleya.
Llegamos a un mirador y columbramos l'embalse de Doiras
ASTURIES 2018.TRIPLE ANIVERSARIU
Suscribirse a:
Enviar comentarios (Atom)
No hay comentarios:
Publicar un comentario