PROAZA-COLLAU ACIERA-CUETU MAR-LA FORCADA-PIRUEÑO-LA TORRE

Ruta fecha col G.M.La Peñuca de Xixón,el 15-04-2017

Powered by Wikiloc

El coordinaor.

 La ruta de güei,entama en Proaza.Dempués de tomar un cafetín con bocata y/o dalguna llambiotada,coyemos bastones,mochiles y preparámonos pa colar.Llonxe,mecía entre la borrina,colúmbrase la Xerra de Caranga,onde queremos xubir pa facer los picos Cuetu Mar y la Forcá.

Cruzamos la ponte sobre'l Ríu Trubia y.....

......atopamos esti cartel informativu.Nosotros vamos al Colláu Aciera,llueu al Cuetu Mar y seguío,a la Forcá.

Coyemos la carretera,que lleva a Villamexín.

Les vaques dexen de pacer y mírennos al pasar.

Los árboles frutales,están floríos y perguapos.

Llonxe,colúmbrase medio emborrinau,a Villamexín.
Llegamos al pueblu

Vemos el palacio de Villamexín.

Pasamos pel medio'l pueblu,pa ver la Ilesia.

El burrín tién los güeyos tristes,está.....

....encerrau y nun pue salir.

Esti caracol y......

....esti llimiagu prietu,esfruten de la llibertá.

Seguimos camin y llegamos.....

.....a les cases de Llindelafaya.

El camín,pasa pegau a la antigua Ermita de San Llázaru.

Facemos una paradina al llau la ermita.

Llegamos al Colláu Aciera y facemos un conceyu.La borrina tolda toda la Xierra de Caranga.Nun se ve un "burru a cuatro pasos".

Entamamos la xubida toos xuntos,"focicu con llombu".

La xubida,ye pindia,pindia.Unos 500m de desnivel,en poco mas d'un km

La borrina ye mexona y dalgún paragües sal de la mochila.

Los h,itos,van llevándonos pel camín correutu.

Pasamos per zones pedregoses,mecies....

....con bosque baxu.

Pasos estrechos y.....

....lladeres empianes,llévennos a.....

.....a la crestería.

El coordinaor,controla la xubida.

Vemos el vertice xeodésicu.Llegamos al cumal del Cuetu Mar (1194m)

Vamos llegando al cumal.La visibilidá,ye nula.Comemos dalguna cosuca,hidratámonos......

......facemos les semeyes.......

....de grupo y.......

....colamos darréu.

Nun llueve,pero vese nes plantes,l'agua que dexa la borrina.Eso quier.....

....decir,que en baxaes pindies y yerboses como estes,tenemos que dir con munchu cuidao.Baxar seliquín,afitando bien los bastones y asegurando los pasos.Nun hai prisa.l'Obxetivu ye nun mancase.El tiempu nun cuenta.

Los h,itos dícennos,que vamos pel buen camín.

Cruzamos una llera.Agora el cuidau ye nun tirar piedres.En canales pedregoses,ye perimportante dir xuntos.Tirar sin querer una piedra,ye facil.

Llegamos a la xiénda que va del Collau Aciera a La Forcá y facemos otru conceyu.Vamos comentar, si acortamos la ruta y baxamos p'Aciera o xubimos a La Forcá.Decidimos......

.....xubir pa La Forcá.

Los cotollales,están llenos de teles d'araña.

Dempués de recuperar los 200m de desnivel,que perdimos baxando del Cuetu Mar,llegamos a......

....La Forcá (1108m).El plan yera crestear desde'l Cuetu Mar a La Forcá.En vista del mal tiempu,el coordinaor,con muy buen criteriu,decidió perder altura y buscar un camín mas seguru.

Un belén.

 La xinta facémosla nel cumal.Buscamos abellugu nuna zona onde nun pegaba l'aire y allí nos sentamos.

 Dempués de la xinta,les semeyes de cume.

 Viendo estes cares,¿daquíén.....

 ....puede pensar que nun esfrutamos de la montaña?

Si.Somos anormalmente felices y esfrutamos la MONTAÑA.Con sol,lloviendo y emborrinao.Somos PEÑUC@S

Dempués de les semeyes,......

....colamos del picu.

Nel valle,está despexao y....

.....ya vemos la xiénda que nos lleva'l.....

.....Colláu Aciera.

Pasamos per la cabañes de la Foxaca y.....

....coyemos la xiénda que nos lleva a......

....Pirueño.

A la entrada'l pueblu,atópense los restos de la Iglesia de Sta Eulalia de Pirueño.

Al llau les ruines,un perguapu texu.

Facemos unes semeyes....

.....debaxu'l texu,.....

...pa coyer bona enerxía. 

Sentámonos al llau'l texu,nun pa facer un aquelarre,sinón.....

.....pa esfrutar el momentu.

Cruzamos el pueblu.

Calles y......

...cases perguapes,les del pueblu de Pirueño.

Salimos de Pirueño y.....

....columbramos Aciera.

Un horru con.....

....pegollos de madera.

Una perguapa talla,con símbolos mitolóxicos y celtas.

Un descansín al llau l'horru

 Una espeyosemeya.

La Xerra'l Gurrión,tapada por la borrina y l'Embalse de Valdemurrio.

Dempués de la ruta.Descansu y refrescu na terraza'l chigre.


Les siguientes semeyes son de Mari Lluz,coordinaora de la ruta alternativa.Güei:Xiénda l'osu - Aciera.