Ruta fecha col G.M.Monteagudo (Pravia) y el G.M.La Peñuca (Xixón),el 29-10-2016
Valoración fecha pol semeyeru,siguiéndo los cruterios del M.I.D.E.(Métodu d'Información d'Escursiones)
Gráfica de la ruta,según el gps del semeyeru
El coordinaor
La ruta de güei,entama en Valle de Lago.Según xubíamos en bus per la carretera que nos lleva'l pueblu y viéndo el perguapu día que teníamos,los que díbamos nel bus Nº2,"diximos" al conductor que nos dexara baxanos,que "queríamos" xubir andando.Asina ficimos.Baxamos.....
......ficimos una semeya y.....
.....too p'arriba.Viéndo la seronda,reflexada nes fueyes de los árboles,¿que montañer@,tien valor de pasar n'autobús y nun baxase?.
¡¡Puxa la xente montañera!!
Llegamos a la entrada'l pueblu y.....
...toos xuntos,colamos pa la salida'l pueblu,buscando la xiénda que nos xuba per la Xerra de la Villa,al Picu Tchan de Cabachos.
Capilla en Valle de Lago
Dexamos la pista que sigue pal Llagu'l Valle y......
....coyemos una xiénda,empinada y perguapa.Ye.....
.....la xiénda La Pena.
Atrás,vamos dexando'l pueblu.
Parar pa facer una semeya,ye obligao.La guapura l'entornu,ye abonda.
En dellos sitios,les manes fácense necesaries pa seguir xubiéndo.
Xubimos seliquín.Nun tenemos prisa.El tiempu nun cuenta.El día ye perguapu y tamos en Somiedo.
El coordinaor,encaramau nel altu d'un peñascu,controla y.....
...señálanos los picos y cordales que tenemos pel entornu.
Abaxo,vemos la Ilesia'l pueblu.
Mas arriba,los cabezaleros esfruten con les perguapes vistes de valles,viesques y cordales.
d'Unu,nunu,sin salir de la xiénda y respetando la naturaleza,seguimos......
.....caminando.Tenemos que llegar a lo que llamamos el Mirador.Un falsu colláu,previu al Puexu l'Agua.
Tenemos que dir bien averaos a les peñes,....
....en dellos sitios la xiénda estréchase.
Aprovechamos una paradina,pa facer una semeya y .....
...darréu colamos.
Aprovechamos esti falsu colláu,pa.......
....rexuntanos y facer una semeya n'alcordanza.
Llegamos al Puexu l'Agua.Un perguapu pasu,estrechu y yerbosu.La seronda fai mas abonda la guapura.
Baxamos seliquín.Averaos a la caliza.....
....esfrutando cada pasu,....
....cada momentu.
La xubida ye pindia.
Una paradina,respirar fondo,una sonrisa,esfrutar de la montaña,...Quisiéremos parar el tIempu.Nun podemos,tenemos que....
....seguir.Los cabezaleros,espérennos nel cumal del Tchan de Cabachos.
Llegamos al cumal.
Los cabezaleros,descansen y esfruten nel altu'l picu.
Los caberos,vamos llegando y xuntándonos nel cumal. (Semeya de Magín)
Semeya de grupo nel Tchan de Cabachos (1659m)
Dempues de la semeya,colamos del cumal y......(Semeya de Magín)
......metémonos pel fayéu de Tchan de Cabachos.
Cruzamos la viesca,buscando la salida que nos lleva a los Campos de Gobia.
Salimos del fayéu y.....
...acolumbramos llonxe,los Campos de Gobia,onde queremos facer la xinta.
A un llau,dexamos el mayáu......
.....de Bustiechu.
Llegamos a Campos de Gobia.
Atrás,vemos el Picu Tchan de Cabachos.
Al llau d'una cabaña con techu de teitu,facemos la xinta.
Los Campos de Gobia (Semeya de Magín)
Tamién atopamos esta cabaña de piedra.
Dempués de la xinta,colamos de los Campos de Gobia y dirixímonos al Mayau de Bustiechu.
Mayáu de Bustiechu.
Cruzamos el mayáu y....
.....entramos en la Viesca de Bustiechu.
Baxamos,buscando la cascada d'Aguamexia.
Regueru la Chamera.
El camín,medio perdíu,sigue'l calce del regueru,que nos lleva a la cascada d'Aguamexia.
Topámonos con un h,itu.
Les fueyes de les fayes,tapicen el suelu.Tamos en tiempos de seronda y los árboles de la viesca,prepárense pa pasar l'inviernu.
Llegamos a la cascada.El Regueru la Chamera (el que forma la cascada),apenes lleva agua.
La cascada d'Aguamexia,espectacular desde'l pueblu de La Llamera,apenes ye visible onde nos atopamos."Xugándonos" el pelleyu,facemos estes semeyes.
La Llamera.
Una vez vista la cascada,tornamos per onde vinimos.
Facemos una parada pa rexuntamos.
Tenemos que coyer la Xiénda les Cabres y ye meyor dir xuntos.
La Xiénda les Cabres,ye un camín aéreu dellos sitios,resbaizu en otros y medio perdíu,entre les fayes de la viesca.Meyor nun recorrelu,si non vas acompañau de xente conocedora de la zona.
La xiénda ye mas que perguapa,en tiempos de seronda.
La última parada.Toca falar de la ruta.Quisiéremos seguir recorriéndo estes viesques,estes xiéndes,estos cordales y cumes,pero....
....tenemos que colar.l'Autobús espéranos.
Llegamos a una pista,que nos lleva'l pueblu.Atras.....
....dexamos,la Xiénda les Cabres,la Xerra de la Villa,los fayeos,los Campos de Gobia....
Llegamos al puntu de partida,el pueblu de Valle de Lago.
Un saludu,pa los collacios del G.M.Monteagudo.Siempre ye un placer compartir la montaña con vosotros.
Gracias por compartir tanta belleza.
ResponderEliminar