LINDES - PEÑA RUEDA (2.152m) - LINDES

Ruta fecha el 10-09-2016,col G.M. La Peñuca de Xixón

Gráfica de la ruta.

Coordinaor de la ruta : Jose Manuel

 Semeya en Xixón,riscando l'alba,esperando l'autobus.Pel cielu ya podemos saber que güei,asamos de calor xubiéndo Peña Rueda

 La ruta de güei entama en Lindes.El bus déxanos a la entada'l pueblu.....

 ......al llau la Ilesia.

 Un gatín,saludanos al pasar.¡¡Gracies!!

Antes de colar,tenemos que revisar y preparar l'equipu.Parte perimportante son los bastones.Aquí tenemos a Agus,axustándolos.Si faces monte,acostúmbrate a los bastones,les rodiyes y los cadriles agradecerántelo,cuándo llegues a los años de Agus o del semeyeru.

En Lindes tamos a 930m d'altitud.Unos 1200m de desnivel sepárennos del cumal.

Colamos de Lindes,por xiénda bien marcada y.......

.......sombriega,camin del Mayau Manín.

Fayes,carbayos y dalgún abeduriu,facen mas prestosa la xubida.(Semeya d'Ana)

Llegamos a Manín d'Arriba y......

....al llau d'una cabaña,facemos una paradina pa rexuntanos.(Semeya de Magín)

 Colamos del mayáu.Agora entama la parte pindia de la ruta (Semeya de Magín)

Llonxe,acolumbramos cumales,que xubimos fai bien poco.

La xiénda pasa entre cotolles.

n'Asturies,son guapes hasta les cotolles.Les coses guapes tan protexíes.A les cotolles,guárdienles los pinchos afilaos que tienen.Si te pinchen,de xuru,pegues un cagazu.

Xubimos d'unu,nunu,camín de El Praón.

La xubida ye pindia.Sin descansu.El sol ya "pega" fuerte.

 Esperemos que per les crestes,una brisina suave,refresquenos los focicos (Semeya d'Ana)

Estamos a 1500m,casi a la altura de la Peña Arpín.

Los cabezaleros ya se atopen nel Praón,al llau los restos d'una cabaña.

Facemos una parada llarga.Comer,beber y descansar.El chornu ye abondu.Llevamos dos hores caminando y queden otres dos horuques,pa llegar al cumal de Peña Rueda.

Depués del descansu,colamos pal cumal.Quédennos 600m de desnivel.......

......pindios,pindios. (Semeya de Magín)

Llonxe,acolúmbrense los Pico d'Europa.

Ya vemos el cumal de Peña Rueda.

Antes del "ataque" al cumal,una paradina pa alendar y dexar de resollar.El chornu que fai,abrásanos. (Semeya d'Ana)

Llegando a la crestería,vemos el Macizu d'Ubiña.

l'Esfuerzu,mereció la pena.La guapura ye abonda.Cielu,nubes,cumales ,crestes y valles, emocionen a l@s montañer@s

l'Últimu esfuerzu,pa llegar al......

......cumal.Lo cabezaleros espérennos,pa facer la xinta.

Poco a poco,vamos llegando al cumal de Peña Rueda.

Vistes desde Peña Rueda.Les Ubiñes

Los Güertos del Diablu

Panorámica de Ubiñes y Güertos

La Xerra l'Aramu.

Peñuc@s en Peña Rueda.

Esfrutando de les vistes,facemos la xinta tranquilamente.

Antes de colar,facemos les semeyes de grupo.

Mas cerca,pa ver meyor los focicos.

Les manes n'altu,pa que vea'l mundu enteru,que nestos momentos somos felices.

El coordinaor ta contentu.Too va bien y estamos esfrutando.

Antes de baxar pa los puertos d'Agüeria,facemos otres semeyes de grupo.

¡¡Puxa peñuc@s!!

Nun podía faltar la semeya de moces peñuques.

Cares contentes,sonrientes y....

.....manes n'altu.Güei,tan pasando un perguapu día montañeru.

Depués de les semeyes,colamos pa los Puertos d'Agüeria.

Los Güertos tenémosla a "tiru piedra".(Semeya d'Ana)

La baxada,ye pergupa.Entornos como esti,aumenten la afición per la montaña.l'Esfuerzu ta reconpensau.Naide se acuerda,del madrugón,del chornu,del cansanciu.Bendita montaña,que danos felicidá,cuando venimos a ella.

Facer una semeya n'alcordanza,ye obligao (Semeya d'Ana)

 Baxamos per una llera.....

 ....con h,itos,que mos marquen el camín.

 Desde l'altu d'una llomba,el vice "vixila",que too esté bien.

 Llegamos al Colláu Fontes y facemos una parada pa rexuntanos.El coordinaor quier llevanos a Lindes,per la Foz Grande.Baxaremos al Mayáu Los Cuadros y siguiéndo'l calce'l río,meterémonos per la foz.

 El coordinaor,espera que lleguen los caberos,pa entamar la marcha.

 Al fondo,Tapinón,Siegalavá,Peña Chana y Fariñentu.

 Una vez rexuntaos,entamamos la marcha.El presi,(máximu responsable,xunto col coordinaor) cierra'l grupo.

 Un carrascu.

 Baxamos pal Mayau Los Cuadros.Al fondo......

 .....la Peña Arpín,señálanos el entame de la Foz Grande.

 Llegamos a Los Cuadros.

 Una paradina,pa esfrutar el momentu y.......... (Semeya de Magín)

 ......colamos,dexando les vaques descansando.

 Atrás vamos dexando los Puertos d'Agüeria y los Güertos del Diablu.

 Los caberos,sentámonos pa esfrutar d'esti entornu únicu.Nun tenemos prisa.Queremos allargar lo mas posible la ruta.

 Los frutos,del Serbal de los cazadores.

 Tenemos que colar.l'Autobús tién unos horarios y tenemos que respetalos.

Nel Valle d'Arriba,cruzamos el Ríu de la Foz Grande y.....

......ya casi nos metemos na foz del mimu nome.

Al fondo,la Peña Arpín.

La xiénda,pasa per la oriella'l ríu,pel mediu de lleres y viesca.

Per estes feches,el calce'l riu ta secu.La xiénda, llévanos a cruzalu......

....per un ponte de madera,que.....

.....agora mesmo nun sedría necesariu.

Pasamos per la Viesca'l Gurbizal,onde......

....los árboles,abellúguennos del sol y.....

.....facen el caminar,mas prestosu.

Venir al monte y nun manchar les botes,nun presta.Pa qu'el día seya redondu,pasamos per una caleya con barro,pa que naide diga,que tuvimos de paseo.

Llegamos a Lindes.

El gatín de per la mañana,espéranos a la entrada'l pueblu y.....

....esti amiguín que descansa guapamente,......

.....mirome fixamente y "díxome" al oyíu,con voz baxa:"Cuando seya mayor,quiero ser un gatu montañeru y dir con La Peñuca"

Nosotros,quédanos cambianos de ropa y colar pa Xixón.Fin de un perguapu día montañeru.

Nota: Pa que'l día seya perguapu y completu,tien que xunise,montaña y collaci@s.Na Peñuca,entre toos,facemos que un sábadu si y otru tamién,les salides al monte seyan perguapes y completes.

Colamos de Lindes y dexamos atrás la Ilesia de Sta María Magdalena.